Áleýmettik saýalnamaǵa qatysqandardyń 71,3 paıyzy sottar jumysyna qanaǵattanýshylyq bildirgen - Q. Mámı

ASTANA. QazAqparat - Elimizdi júrgizilgen táýelsiz áleýmettik saýalnamaǵa qatysqandardyń 71,3 paıyzy sottar jumysyna qanaǵattanýshylyq bildirgen. Búgin QR Joǵarǵy Sotynda respýblıka sottarynyń 2015 jyldyń birinshi jartyjyldyǵynda atqarǵan jumys qorytyndylaryna arnalǵan keńeıtilgen keńeste QR Joǵarǵy Sotynyń Tóraǵasy Qaırat Mámı osylaı málim etti.

«Táýelsiz áleýmettik saýalnamaǵa qatysýshy respondentterdiń 71,3 paıyzy sottar jumysyna qanaǵattanýshylyq bildirgen. Men buny óte jaqsy kórsetkish dep sanaımyn. Jahandyq básekege qabilettilik reıtınginde kóshbasshy oryndarda turǵan Eýropanyń aldyńǵy qatarly elderimen salystyrsaq, bizdiń kórsetkishimiz jaqsy. Eskere ketetin jaıt, ol elderde kórsetkish 35-81 paıyz arasynda bolyp otyr», - dep atap ótti Qaırat Mámı.

Tóraǵa keltirgen málimetterge qaraǵanda, saýalnamaǵa qatysqan respondentterdiń 80 paıyzy sýdıalarǵa senim bildirgen, al 83 paıyzy sýdıalardyń sot talqylaýlaryna daıyndyq deńgeıine qanaǵattanýshylyq tanytqan. «Bul málimetter tutastaı alǵanda bizdiń byltyrǵy jyly júrgizgen sot basshylarynyń tıimdiligi týraly ishki saýalnamamyzben sáıkes keledi. Ol kezde de, bıylǵy táýelsiz saýalnama da eń úzdik dep Soltústik Qazaqstan, Qyzylorda jáne jekelegen pozıtsııalar boıynsha Pavlodar oblystary atalyp otyr. Minekı, sondyqtan da men bizdiń reıtıngten góri áleýmettik zertteýler nátıjesine kóbirek senemin», - dedi Qaırat Mámı.