Áleýmettik sala basty nazarda bolady - saıasattanýshy
Prezıdent búgin ulyqtaý rásiminde qazaqstandyqtardyń turmys deńgeıin arttyrýdy, atap aıtqanda baspanamen qamtyp, tabystardy ádil bólýdi, oqytýshylar men dárigerlerdiń mártebesin kóterýdi basty mindet etip belgiledi. Sarapshynyń aıtýynsha, bul strategııa halyqtyń talabynan týyp otyr.
«Bul trend tek Qazaqstanǵa ǵana qatysty bolyp otyrǵan joq. Búkil álemde osylaı. Osy maqsatqa jetý úshin keń aýqymdy is-sharalar júrgiziledi. Atalǵan is-qımyldar Qazaqstan ekonomıkasynyń ahýalyn jaqsartýǵa da qatysty. Shaǵyn jáne orta bıznesti qoldaýǵa basa nazar aýdarylýda. Mundaǵy basty mindet bılik pen halyqtyń ózara yqpaldastyǵynyń jańa formattaryn jasaý, tıimdi dıalog qurý bolyp otyr. Úkimettiń tolyqtaı ashyq qyzmet júrgizýi, halyq aldynda esep berýi asa mańyzdy bolmaq», - deıdi saıasattanýshy.