Áleýmettik nysandar mańaıyna avtoturaq salý josparda joq – astana ákimdigi
16:28, 16 Mamyr 2022
NUR-SULTAN. QazAqparat – Nur-Sultan qalasynyń ákimdigi elordadaǵy áleýmettik nysandar mańaıyna kólik turaqtaryn salýdy josparlap otyrǵan joq. Bul týraly ákimdiktiń baspasóz qyzmeti QazAqparat saýalyna joldaǵan jaýabynda aıtty, dep habarlaıdy QazAqparat tlishsi.
«Áleýmettik nysandardyń mańaıyna kólik turaqtaryn salý qarastyrylyp jatqan joq», - dep jazylǵan jaýapta.
Ákimdik málimeti boıynsha, jol qozǵalysy salasyndaǵy quqyqtyq qatynas QR zańnamasymen retteledi.
Buǵan deıin Nur-Sultan qalasynyń polıtsııa departamenti elordadaǵy qate qańtarylǵan kólikterdi avtomatty túrde anyqtaý júıesi aýlalardy qamtymaıtynyn málim etken edi.
«Jol qozǵalysy erejeleriniń buzylýyn tirkeýshi avtomatty júıe qazirgi tańda elordanyń búkil aýdandaryndaǵy joldardyń kóshedegi bóligine ǵana ornatylǵan. Turǵyn úı aýlalaryndaǵy ýchaskelerdi beınetirkeý qamtymaıdy», - dep jazdy departamenttiń baspasóz qyzmeti QazAqparat saýalyna joldaǵan jaýabynda.