Áleýmettik medıtsınalyq saqtandyrý qorynyń qarajatyna revızııa júrgizemiz – Erulan Jamaýbaev
«Biz qazir Áleýmettik medıtsnalyq saqtandyrý qorymen jáne Densaýlyq saqtaý, Eńbek jáne halyqty áleýmettik qorǵaý mınıstrligimen birge jumys júrgizip jatyrmyz. Kóp jaǵdaılar kezdesedi eken. Mysaly, keıde em almaǵan adamdy aldy dep kórsetip jiberedi. Sodan kóp jerde qarajat jetpeı jatady. Sosyn konsýltatsııa kóbeıip ketken. Buryn konsýltatsııanyń kólemi 10 mlrd teńgeden aspasa, qazir 170 mlrd teńgeden asyp ketken. Bir konsýltatsııanyń ishinde ne aıtýy múmkin?», - dedi vıtse-premer.
Sondaı-aq, ol áleýmettik kómek alýshylardyń sany jyl saıyn ósip kele jatqanyn aıtty.
«Bizde kontıngenttiń sany jyldan-jylǵa ósip kele jatyr. Qazir bizdegi zeınetkerlerdiń sany 2,4 mln-ǵa jetip otyr. Jyl saıyn 80-90 myń adam qosylady. Sondaı-aq, járdemaqy alatyn adamdardyń sany da artyp keledi. Qazir 1,1 mln adam bar. Durys aıtasyz. Biz soǵan revızııa jasaımyz. Qarajat qarastyrylǵanymen onyń báriniń esebi bar. Bizdiń basty maqsat - ár tıyndy tıimdi qoldaný», - dedi Erulan Jamaýbaev.