Áleýmettik mańyzy bar júkterdi tasymaldaý erekshe baqylaýda - QTJ

ASTANA. QazAqparat – Kómir, astyq, untaq ónimderi jáne munaı sııaqty áleýmettik mańyzy bar júkterdi tasymaldaý «Qazaqstan temir jolynyń» erekshe baqylaýynda, dep habarlaıdy QazAqparat kompanııanyń baspasóz qyzmetine silteme jasap.

«Jaǵdaı táýlik saıyn baqylanady. Kompanııada júkterdiń árbir túri boıynsha jedel shtabtar men «jedel jeliler» jumys isteıdi. Múddeli memlekettik qurylymdarmen, óndiristik kásiporyndarmen jáne eksporttaýshylarmen birlesip turaqty keńester ótkiziledi.

Áleýmettik mańyzy bar júkterdi úzdiksiz tasymaldaýdy uıymdastyrý boıynsha uıymdastyrýshylyq jáne tehnologııalyq sharalar qabyldanýda. QTJ-da júk jóneltýshilerdiń ótinimderin qamtamasyz etý úshin jetkilikti lokomotıvter bar.

Egis jáne egin jınaý naýqandary kezinde munaı ónimderin tasymaldaýǵa erekshe nazar aýdarylady. Qazaqstanda munaı quıý júkterin tasymaldaýǵa arnalǵan tsısternalardyń sany (shamamen 9 myń) naryqtyń qajettilikterin tolyǵymen jabady», - delingen baspasóz málimdemesinde.