Áleýmettik mańyzy bar taýarlardyń tizbesin endi Saýda mınıstrligi bekitpek
Qujatta kórsetilgendeı, vedomstvoǵa myna fýnktsııalar beriledi:
- Qazaqstannyń Dúnıejúzilik saýda uıymynyń músheliligine baılanysty máseleler boıynsha saýda qyzmetin retteý salasyndaǵy ýákiletti organnyń memlekettik organdarmen jáne aktsııalarynyń 50 jáne odan da kóp paıyzy memleketke tıesili kvazımemlekettik sektor sýbektilerimen ózara is-qımyl jasasý tártibin aıqyndaý;
- úshinshi taraptyń Qazaqstannan shyǵatyn taýarlarǵa qatysty saýda sharalaryn jáne qaýipsizdik paıymdaýlary boıynsha sharalardy qoldanýy aldynda tergep-tekserý júrgizilgen jaǵdaıda memlekettik organdarynyń ózara is-qımyl jasaý tártibin aıqyndaý;
- ulttyq qaýipsizdik múddeleri negizge ala otyryp engiziletin sharalardy ázirleý kezinde memlekettik organdarynyń ózara is-qımyl jasaý tártibin aıqyndaý;
- standarttaý salasyndaǵy memlekettik saıasattyń negizgi baǵyttaryn qalyptastyrý, iske asyrý jáne olardyń júzege asyrylýyn uıymdastyrý;
- Eýrazııalyq ekonomıkalyq odaqqa múshe memleketterge qatysty ótemaqy sharasyn qoldanýdyń oryndylyǵy týraly qorytyndy daıyndaý maqsatynda tergep-tekserý júrgizý sharttary men tártibin aıqyndaý;
- saýda bazarlarynyń qyzmetin uıymdastyrý qaǵıdalaryn, saýda bazarynyń aýmaǵyn kútip-ustaýǵa, ony jabdyqtaýǵa jáne jaraqtandyrýǵa qoıylatyn talaptardy bekitý;
- halyqty áleýmettik qorǵaý salasyndaǵy ýákiletti organnyń kelisimi boıynsha áleýmettik mańyzy bar azyq-túlik taýarlarynyń tizbesin bekitý;
- saýdadaǵy tehnıkalyq kedergiler, sanıtarlyq jáne fıtosanıtarlyq sharalar jónindegi aqparattyq ortalyqty qurý jáne onyń jumys isteý tártibin aıqyndaý;
- taýarlardy tańbalaý men olardyń qadaǵalanýy salasyndaǵy salalyq ýákiletti memlekettik organdar aıqyndaıtyn taýarlardy tańbalaýda qoldanylatyn baqylaý belgisi, sáıkestendirý quraly qunynyń shekti mólsherin kelisý;
- tutynýshylardyń quqyqtaryn qorǵaý jónindegi vedomstvoaralyq keńes qurý.
Qujat 7 sáýirge deıin kópshilik talqylaýda bolady.