Áleýmettik mańyzy bar taýar naryqtaryn tekserý bastaldy

NUR-SULTAN. QazAqparat - Básekelestikti qorǵaý jáne damytý agenttigi barlyq áleýmettik mańyzy bar taýar naryqtaryn tekserý is-sharalarynyń jańa kesheni bastalǵanyn habarlaıdy. Bul týraly búgin Úkimet otyrysynda BQDA tóraǵasy Serik Jumanǵarın málimdedi.

Áleýmettik mańyzy bar azyq-túlik taýarlary, janar-jaǵarmaı jáne qurylys materıaldary naryqtarynan bólek, uıaly baılanys, ınternet qyzmetteri, dárilik zattar, medıtsınalyq buıymdar, zerthana qyzmetteri, turǵyn úı-kommýnaldyq sharýashylyq, domofondar, lıft, basqarýshy kompanııalar, bıllıngtik qyzmetter naryqtary qamtylmaq. Sondaı-aq, tólem uıymdary qyzmetteriniń, ásirese kommýnaldyq qyzmetterge, memlekettik monopolııalar qyzmetterine, memlekettik jáne jekeshe operatorlardyń qyzmetterine aqsha aýdarý kezinde baǵalardy tómendetý boıynsha sharalar qabyldanady.

Shaǵymdardyń kóptigine baılanysty, munaı ónimderin, suıytylǵan gaz, elektr energııasyn ótkizý kezinde taýar bırjalaryn qosa alǵanda, barlyq mańyzdy jumys istep turǵan saýda alańdary baǵalyq sóz baılasý jáne saýda-sattyqqa qol jetkizýdi shekteý turǵysynan tekseriledi.

Osylaısha, halyq úshin barlyq mańyzdy taýar naryqtarynda baǵalardy keshendi tómendetý jumystary jalǵastyrylatyn bolady.