Áleýmettik mańyzy bar azyq-túlik taýarlary 9,6% qymbattady

NUR-SULTAN. QazAqparat – Jyl basynan beri áleýmettik mańyzy bar azyq-túlik taýarlary 9,6% ósti. Bul týraly QR Saýda jáne ıntegratsııa mınıstri Baqyt Sultanov aıtyp berdi, dep habarlaıdy QazAqparat tilshisi.

«Jyl basynan beri áleýmettik mańyzy bar azyq-túlik taýarlary baǵasynyń ósýi 9,6%-ti qurady, bul ótken jylmen salystyrǵanda 0,6 protsenttik tarmaqqa tómen. Bul rette 4,1 protsenttik tarmaqqa negizgi ósim tótenshe jaǵdaı kezeńinde tirkeldi. Máselen, 17-24 naýryz aralyǵynda baǵalar rekordtyq 1,7 protsenttik tarmaqqa ósti», - dedi Baqyt Sultanov Úkimet otyrysynda.

Baǵany turaqtandyrý úshin taýarlardyń 9 túrine shekti baǵalar bekitildi, 7 túriniń eksportyna tyıym salyndy jáne 6 túrin elden shyǵarýǵa aı saıyn kvota belgilendi.

Sonymen birge, qosylǵan qun salyǵynyń stavkasy 12%-ten 8%-ke deıin tómendetildi.

«Qabyldanǵan sharalardyń nátıjesinde baǵa ósimi toqtady. Alaıda, bıylǵy jyldyń 4 toqsanynda qazan aıynda – 2,8% jáne qarashada – 2,3% baǵa ósimi taǵy tirkelip otyr», - deıdi B. Sultanov.