Áleýmettik mańyzy bar azyq-túlik taýarlary 0,6% qymbattaǵan
Onyń aıtýynsha, Saýda jáne ıntegratsııa mınıstrligi áleýmettik mańyzy bar azyq-túlik baǵalarynyń monıtorıngi boıynsha turaqty jumys júrgizedi.
Monıtorıngtiń negizgi kanaldary – statıstıka men fıskaldyq derekter operatorlarynyń derekteri.
«Ulttyq statıstıka bıýrosynyń derekteri boıynsha, ótken aptada áleýmettik mańyzy bar azyq-túlik taýarlarynyń baǵasy 0,2%-ǵa ósti. Bárinen buryn qyryqqabat 1,6%-ǵa, qant 0,6%-ǵa jáne kartop 0,5%-ǵa qymbattady. Óńirler ishinde bir apta ishinde baǵanyń eń joǵary ósýi Mańǵystaý oblysynda 0,8%-ǵa, Qostanaı jáne Qyzylorda oblystarynda 0,4%-ǵa jol berilgen. Fıskalyq derekter operatorlarynyń málimetteri boıynsha, bir aptadaǵy baǵa 0,6%-ǵa ósken», - dedi spıker Ortalyq kommýnıkatsııalar qyzmetinde ótken baspasóz máslıhatynda.
12 naýryzda Premer-Mınıstrdiń orynbasary – QR Saýda jáne ıntegratsııa mınıstri Baqyt Sultanovtyń basshylyǵymen áleýmettik mańyzy bar azyq-túlik máseleleri boıynsha keńes ótken.
Onda barlyq óńirlerge, onyń ishinde baǵalardyń barynsha ósýine jol bergen óńirlerge naqty tapsyrmalar berilgen.
Budan basqa, jetkilikti atqarýshy organdar birlesip azyq-túliktiń árbir ataýy boıynsha baǵalardy baqylaý, onyń ishinde saýda sýbektileriniń ruqsat etilgen saýda ústemesin saqtaýyn baqylaý jumystary turaqty júrgiziledi.
Básekelestikti qoldaý jáne damytý agenttiginde de baǵalardy baqylaý boıynsha jumystar júrgizilýde.
«Qazirgi ýaqytta Qostanaı, Qaraǵandy, Aqmola, Pavlodar, Soltústik Qazaqstan, Mańǵystaý oblysynda jáne Almatyda áleýmettik mańyzy bar azyq-túlik baǵalaryn arttyrý boıynsha básekelestikke qarsy is-qımyl belgileri boıynsha buryn bastamashylyq jasalǵan 7 tergep-tekserý jumystary jalǵasýda. Básekelestikti qorǵaý salasyndaǵy zańnamany buzýǵa jol bermeý jónindegi monopolııaǵa qarsy komplaenstiń 7 aktisi, sondaı-aq olardy iske asyrý kezinde áleýmettik mańyzy bar azyq-túlikke saýda ústemesin 15-ten 10%-ǵa deıin tómendetý bóliginde jasaldy. Tıisti sharalar qabyldaı otyryp, baǵa belgileýdiń búkil tizbegi boıynsha deldaldyq shemalardy tekserý jónindegi óńirlik komıssııalardyń jumysy kúsheıtildi», - dedi E. Qazanbaev.