Áleýmettik mańyzy bar azyq-túlik baǵasynyń ósýine jol bermeý úshin ilki joba iske qosylady

NUR-SULTAN. QazAqparat - Elektrondy shot-faktýralar aqparattyq júıesi negizinde Qazaqstan aýmaǵynda baqylanatyn áleýmettik mańyzy bar azyq-túlik taýarlaryn jáne tas kómirdi ákimshilendirýdi jetildirý úshin pılottyq jobany iske qosý josparlanýda. Bul týraly QR QM Memlekettk kirister komıtetinen málim etti, dep habarlaıdy QazAqparat tilshisi.

«Inflıatsııanyń ósýine, azyq-túlik ónimderi men munaı ónimderine baǵanyń ósýine jol bermeý jónindegi is-sharalar aıasyda QR aqparattyq júıesi negizinde Qazaqstan Respýblıkasynyń aýmaǵynda baqylanatyn áleýmettik mańyzy bar azyq-túlik taýarlaryn jáne (nemese) tas kómirdi ákimshilendirýdi jetildirý jónindegi pılottyq jobany iske asyrý qaǵıdalaryn bekitý týraly» QR Qarjy mınıstri buıryǵynyń jobasyn ázirledi», - delingen komıtet aqparatynda.

Vedomstvo málimetinshe, atalǵan buıryqpen áleýmettik mańyzy bar taýarlar men kómirdi ótkizý kezinde elektrondyq shot-faktýralardy (EShF) shyǵarý boıynsha salyq tóleýshilerdiń mindetin engizý bóliginde pılottyq jobany 2022 jylǵy 31 jeltoqsanǵa deıin iske asyrý kózdeledi.

«Buıryq jobasy Ashyq NQA (LEGALACTS) portalynda ornalasqan.

«Barlyq múddeli tulǵalardy, qoǵamdyq birlestikterdi, bıznes assotsıatsııalardy jáne salyq tóleýshilerdi osy jobany talqylaýǵa belsendi qatysýdy suraımyz», - dep atap ótti MKK-den.