Áleýmettik mańyzy bar azyq-túlik baǵalaryn baqylaıtyn platforma quryldy

NUR-SULTAN. QazAqparat – Áleýmettik mańyzy bar azyq-túlik baǵalaryna monıtorıng jasaıtyn biryńǵaı platforma quryldy. Bul týraly QR Saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.

«Qurmetti Asqar Uzaqbaıuly, baǵa monıtorınginiń biryńǵaı platformasyn ázirleý jónindegi sizdiń tapsyrmańyzdy oryndaý úshin tıisti jumys júrgizilýde. Naryqtyq jáne vedomstvolyq málimetterdi qosa alǵanda, ártúrli derekterden áleýmettik mańyzy bar azyq-túlik taýarlary boıynsha aqparat aýqymyn jınaý jáne taldamalyq óńdeý úshin eprice.gov.kz. platformasy ázirlendi. Onyń maqsaty – faktorlardy anyqtaý jáne búkil tizbektegi taýarlardyń qozǵalysy men baǵasynyń tendentsııalaryn qalyptastyrý», - dedi Saýda mınıstri búgingi Úkimet otyrysynda.

Mınıstrdiń aıtýynsha, atalǵan saıt quryldy jáne Ulttyq statıstıka bıýrosynyń, Memlekettik kirister komıtetiniń jáne basqalardyń derekterimen almasý jumystary bastaldy.

«Budan basqa, meniń Ózbekstan men Tájikstan respýblıkalaryna saparym barysynda azamattarymyz úshin jańa pisken astyqqa azyq-túlikti neǵurlym tómen baǵamen tikeleı jetkizýdi uıymdastyrý jónindegi kelissózderdiń kezekti raýndyn ótkizý josparlanyp otyr», - deıdi Baqyt Sultanov.

Buǵan deıin mınıstr azyq-túlik baǵasyn turaqtandyrý joldaryn usynǵan edi.