Áleýmettik kodekstiń normalaryn júzege asyrýǵa 2,3 trln teńge bólindi
«Ózderińizge usynylǵan Áleýmettik kodekstiń normalaryn tolyq júzege asyrý úshin memlekettik bıýdjetten aldaǵy 3 jylǵa 2,3 trln teńge bólinip otyr. Kodeks novellalarynyń basym bóligi Prezıdent tapsyrmalaryn jáne ótken jylǵy halyqqa Joldaýyn oryndaý aıasynda qarastyryldy ári osy jyldyń qańtarynan júzege asyryla bastady», - dedi mınıstr Áleýmettik kodeks jobasy men ilespe zań jobalaryn birinshi oqylymda talqylaý kezinde.
Talqylaýdan keıin Senat depýtattary Qazaqstan Respýblıkasynyń Áleýmettik kodeksiniń jobasyn jáne oǵan ilespe «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir konstıtýtsııalyq zańdaryna ózgerister engizý týraly», «Ákimshilik quqyq buzýshylyq týraly Qazaqstan Respýblıkasynyń Kodeksine ózgerister engizý týraly» úsh zań jobasyn birinshi oqylymda maquldady.