Áleýmettik kodeks: Qaǵaz qujattar júıeden shyǵarylady

ASTANA. QazAqparat – Qaǵaz qujattar júıeden shyǵarylyp, járdemaqylar proaktıvti formatta bekitiledi. Bul Senattyń jalpy otyrysynda QR Áleýmettik kodeksiniń jobasy men ilespe zań jobalaryn birinshi oqylymda talqylaý kezinde QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Áleýmettik kodeksti ázirleý kezinde halyqaralyq tájirıbe muqııat zerdelenip, Eýropa odaǵynyń Áleýmettik kodeksi basshylyqqa alyndy. Bul rette elimizdiń óz erekshelikteri jan-jaqty eskerildi», - dedi T. Dúısenova.

Osy oraıda mınıstr qujatta qamtylǵan tyń qadamdarǵa toqtaldy. Birinshi novella – bul memlekettik organdardyń barlyq qoldanystaǵy aqparattyq júıeleriniń derekteri negizinde qalyptastyrylatyn Otbasynyń tsıfrlyq kartasy (OTsK). Ony engizý aıasynda qazaqstandyqtar teń dárejede memlekettik qoldaý júıesiniń kómegine súıene alady.

«Sondyqtan Kodekste OTsK-ny memlekettik áleýmettik saıasattyń orta jáne uzaq merzimdi mindetteri men baǵyttaryn aıqyndaý quraly retinde belgiledik. ıAǵnı memleket kimge, qashan, qandaı kómek qajet ekenin anyqtap qana qomaı, áleýmettik táýekelderdiń aldyn alý is-sharalaryn qarastyrýǵa múmkindik alady. Ekinshiden, karta arqyly otbasylar nemese otbasy músheleriniń áleýmettik statýsyna jáne otbasylyq ál-aýqat dárejesine qarap, memlekettik qoldaýdyń qandaı túrin alýǵa quyqyly ekendigin jetkizip otyratyn elektrondy jarshy quraly qyzmetin atqaratyn bolady. Mundaı aqparat ár otbasyna ortalyq memlekettik organ jaǵynan SMS-habarlama retinde jiberilmek», - dedi mınıstr.

Sonymen qatar ol memlekettik qoldaý proaktıvti formatta júrgiziletinin aıtty. ıAǵnı azamattarǵa áleýmetiik tólemder men tıisti kómek aqparat júıesinde bar derekter aıasynda bekitiledi. Qoldanystaǵy qaǵaz qujattar kezeń-kezeńimen júıeden shyǵarylatyn bolady.