Áleýmettik qashyqtyq erejesi 2022 jylǵa deıin saqtalýy múmkin - The Guardian
«Science jýrnalynda jarııalanǵan zertteý nátıjelerinde ǵalymdar bir rettik karantın koronavırýsty jeńý úshin jáne Pandemııany tolyq baqylaýǵa alý úshin jetkiliksiz bolýy múmkin ekenin jazǵan. Vaktsına tabylmasa nemese COVID-19-dy emdeýdiń tıimdi ádisteri tabylmasa, vırýstyń taralýy 2025 jylǵa deıin toqtamaýy múmkin», - dep jazady basylym.
Garvard ýnıversıtetiniń epıdemıologııa professory Mark Lıpsıchtiń aıtýynsha, ınfektsııa vırýs juqtyrý qaýpi bar adam barda tarala beredi. Eger ujymdyq ımmýnıtet bolmasa, adamdardyń kóbi vırýs juqtyrýy múmkin.
«Úkimetter halyqty shekteý sharalaryn satylap jumsartyp, jańa juqtyrý jaǵdaılaryn baqylaýǵa alýy múmkin. Degenmen, 70 jastan asqan adamdar men aýrýy bar adamdardyń qashyqtyqty saqtaýy, adamdar kóp júretin jerge barmaýy sekildi erejeler saqtalýy tıis. Eger vaktsına nemese em tabylsa, áleýmettik qashyqtyqty saqtaý qajettiligi bolmaıdy», - dep jazylǵan maqalada.