«Áleýmettik ámııandy» engizý 2022 jyldyń sońyna deıin josparlanǵan

NUR-SULTAN. QazAqparat - «Áleýmettik ámııandy» engizý 2022 jyldyń sońyna deıin josparlanǵan. QR Prezıdenti janyndaǵy tsıfrlandyrýdy engizý máseleleri jónindegi komıssııa otyrysynda Saýda jáne ıntegratsııa mınıstri Baqyt Sultanov osylaı málim etti, dep habarlaıdy QazAqparat.

Mınıstrdiń aıtýnysha, 2021 jyldyń sońyna deıin ınfraqurylymdy - bankterdi qosý jáne «áleýmettik ámııandy» iske qosý arqyly jedel tólemder júıesin daıyndaý josparlanǵan.

Jobany testileýdi bastaý úshin járdemaqylar men áleýmettik tólemderdi áleýmettik ámııanǵa kezeń-kezeńimen aýdarý algorıtmin ázirleý qajet.

Baqyt Sultanov, sondaı-aq, tsıfrlyq ámııandy iske asyrýdyń kelesi kezeńderine arnalǵan josparlar týraly habarlady.

Osylaısha, 2022 jyldyń sońyna deıin «áleýmettik ámııandy» ónerkásiptik paıdalanýǵa engizý jáne jańa servısterdi engizý josparlanǵan (jeke kabınettiń fýnktsııasyn keńeıtý, túrli ınternet dúkenderge qosylý jáne t.b.).

Al 2023-2024 jyldar aralyǵynda mınıstrlik tsıfrlyq ámııandy Ulttyq taýar ótkizý júıesimen biriktirýdi, sondaı-aq «Áleýmettik ámııanǵa» aýdarylatyn áleýmettik tólemderdiń túrlerin keńeıtýdi josparlap otyr.