Áleýmettik ádebıettiń 50 paıyzdan astamy balalarǵa arnalady
13:31, 14 Mamyr 2021
NUR-SULTAN. QazAqparat – Mádenıet jáne sport mınıstri Aqtoty Raıymqulova ortalyq kommýnıkatsııalar qyzmetinde ótip jatqan brıfıngide balalar ádebıetin damytý baǵytyndaǵy josparyn ortaǵa saldy, dep habarlaıdy QazAqparat tilshisi.
«Bıyl jas jazýshylar jáne balalarǵa arnap shyǵarma jazatyn qalamgerler arasynda baıqaý jarııalandy. Sonymen qatar, áleýmettik mańyzy bar ádebıetti shyǵarý baǵdarlamasy boıynsha jyl saıyn shyǵarylatyn kitaptardyń 50 paıyzynan astamyn balalarǵa arnaýdy josparlap otyrmyz», - dedi mınıstr.
Aqtoty Raıymqulovanyń aıtýynsha, bul jospar bir ǵana jylǵa emes, besjyldyqqa arnalyp otyr.
«Árıne, bul – kúndelikti jumys. Balalar kitabyn baıytý boıynsha elektrondy katalogtardy da jasap jatyrmyz. Balalar qyzyǵatyndaı ár túrli formatta kitaptar shyǵarýǵa kúsh salyp otyrmyz» dep túıindedi sózin Mádenıet jáne sport mınıstri.