Alen Delon ıtteriniń qasyna jerlenýi múmkin

<p>ASTANA. KAZINFORM &ndash; Frantsýz akteri Alen Delondy jerleý rásimi jaqyndarynyń arasynda ǵana uıymdastyrylady, ol Dýshı kommýnasynda ıtteriniń qasyna jerlenýi múmkin, dep habarlaıdy <a href="https://tass.ru/obschestvo/21638789" target="_blank" rel="noopener">TASS </a>aqparat agenttigi.&nbsp;</p>

Prefektýra akter qaıtys bolǵanǵa deıin rásimdi onyń jer ıeligi aýmaǵyndaǵy shirkeýde ótkizýge ruqsat berdi. Jyljymaıtyn múlikke ıelik etken barlyq jyldar ishinde Delon kishkentaı shirkeýdiń janynda óziniń 50-ge jýyq ıtin jerledi.

Akterdiń muragerleri jankúıerlerge onyń beıitine tegin kirýge kepildik beriletini týraly áli túsinikteme bergen joq. 

Delon men onyń ıtteriniń kúlin mýnıtsıpaldy zıratqa aparý múmkindigi bar ekeni atap ótildi, biraq mundaı qadam onyń sońǵy erkine qaıshy keledi.

Akterdiń ózi ıtterge degen úlken súıispenshiligin talaı bildirip, 2018 jyly Paris Match jýrnalyna bergen suhbatynda belgııalyq ovcharka ıti Lýbony jalǵyz qalmaýy úshin ózi qaıtys bolǵannan keıin birden uıyqtatyp tastaýdy ósıet etip qaldyrǵanyn aıtty.

Keıinirek keıbir veterınarlar BAQ-ta jazǵan pikirlerinde mundaı qadamnyń zańsyz bolatynyn málimdedi.

Sonymen birge, Delonnyń týystary uly akterdiń rýhyna taǵzym etkisi keletinderdiń barlyǵy qatysa alatyn qoshtasý rásimin ótkizý múmkindigin qarastyrýda. Alen Delon kózi tirisinde ózin jerleýge baılanysty memlekettik rásim ótkizýge qarsy boldy.

Buǵan deıin Frantsýz akteri Alen Delon 89 jasyna qaraǵan shaǵynda dúnıeden ótkeni týraly jazǵan bolatynbyz. Kazinform úshin arnaıy TASS seriktes agenttigi usynǵan.