Álemniń ásker qýaty reıtınginde Qazaqstan 19-orynda tur

<p>News &amp; World Report álem elderi áskeriniń áleýetine zertteý júrgizdi. Nátıjesinde Qazaqstan 87 eldiń ishinde 19-qatarǵa, Ózbekstan (18-shi oryn) men BAÁ (20-shy oryn) ortasyna ornalasty. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://ranking.kz/rankings/world-rankings/v-reytinge-stran-po-sile-armii-kazahstan-ustupil-uzbekistanu.html" target="_blank" rel="noopener">Ranking</a> basylymyna silteme jasap habarlaıdy.&nbsp;</p>

Ásker kúshiniń reıtıngi — eldiń qýatyn anyqtaıtyn negizgi alty kórsetkishtiń biri.

Áskeri eń kúshti el Reseı bolyp qala bermek, odan keıin orynda AQSh bolsa, úzdik úshtikti Qytaı túıindedi. Izraıl 4-shi, Ýkraına 6-shy qatarda turǵanyn da aıta ketken jón.

Olardan bólek áskeri myqty 10 eldiń qataryna Ońtústik Koreıa, Iran, Ulybrıtanııa, Germanııa men Túrkııa engen.

Reıtıngte Belarýs eli 12-orynda, Ázerbaıjan 24-shi orynda ekenin aıta keteıik.

Eń álsiz ásker Lıýksembýrg, Sıngapýr men Estonııada bolyp shyqty.

Reıtıng álemniń 36 memleketindegi 17,2 myń adamnan saýalnama alý arqyly jasaldy.

Elder 73 túrli krıterıı arqyly baǵalandy.

Ózbekstan ásker kúshi boıynsha Qazaqstannan 0,2 upaıǵa alda, ıaǵnı 16 jáne 15,8 upaı.

Degenmen buǵan deıin Qazaqstan eki jyl qatarynan kórshisinen basym bolǵan: 2021 jyly — 25,6 jáne 21,5 bolsa, 2022 jyly — 12,6 jáne 10,8 upaı.

Stokgolm álem máselelerin zertteý halyqaralyq ınstıtýtynyń (SIPRI) dereginshe, aqparat usynǵan OA elderiniń ishinde Qazaqstannyń áskerı bıýdjeti eń joǵary eken.

Máselen, 2022 jyly ol 1,1 mlrd AQSh dollaryna jetse, Qyrǵyzstan men Tájikstanda bul kórsetkish 149,8 mln jáne 103,5 mln AQSh dollary boldy.

Oǵan qosa Qazaqstan áskerı qajettilik shyǵynyn 1,2 trln teńgege (qazirgi kýrs boıynsha 2,4 mlrd AQSh dollary) deıin arttyrýdy kózdep otyr.