Álemniń úzdik ýnıversıtetteri anyqtaldy
Atap aıtqanda, QS World University Rankings aıasynda 2024 jylǵa arnalǵan álemdegi úzdik ýnıversıtetterdiń jyl saıynǵy reıtıngi jarııalandy. Alǵashqy ondyqtaǵy oryndardyń jartysy Eýropaǵa buıyrdy.
Osymen 20 jyl qatarynan ótkizilip otyrǵan bul baǵalaý 17,5 mıllıon ǵylymı jumysqa jasalǵan taldaýdy, sondaı-aq álemniń túkpir-túkpirinen 240 myńnan astam muǵalim men jumys berýshiniń pikirlerin eskere otyryp jasalǵan.
Sonymen, AQSh-taǵy Massachýsets tehnologııa ınstıtýty (MIT) 12-shi jyl qatarynan eń joǵary 100 upaı jınap, 1-oryndy ıelendi.
Kembrıdj ýnıversıteti (Ulybrıtanııa) 99,2 upaımen 2-orynda, al onyń jergilikti qarsylasy Oksford ýnıversıteti 98,9 upaımen 3-oryn aldy.
Reıtıngide 98,3 upaımen Garvard ýnıversıteti – tórtinshi, Stenford ýnıversıteti 98,1 upaımen – 5-orynda.
Sonymen qatar Shveıtsarııanyń joǵary tehnıkalyq mektebi, London ýnıversıtettik kolledji, Edınbýrg ýnıversıteti, Parıj ǵylym jáne ádebıet ýnıversıteti úzdikterdiń qatarynan kórindi.
Atalǵan reıtıngige Qazaqstan JOO-lary da engen:
- Ál-Farabı atyndaǵy Qazaq ulttyq ýnıversıteti 230-orynda;
- L.N.Gýmılev atyndaǵy Eýrazııa ulttyq ýnıversıteti 355- orynda;
- Satbayev University 481-orynda;
- M. Áýezov atyndaǵy Ońtústik Qazaqstan ýnıversıteti 611-orynda;
- Qazaq ulttyq agrarlyq ýnıversıteti 641-orynda.
Bedeldi reıtınginiń jalpy upaıy 9 kórsetkish negizinde anyqtaldy. Bul turǵyda akademııalyq bedel, jumys berýshiniń tanymaldyǵy, oqytýshylar men stýdentter sany, oqytýshylardyń jetistigi, sheteldik oqytýshylar boıynsha kórsetkish, shetel stýdentteriniń úlesi, sondaı-aq halyqaralyq zertteý baǵyty, jumyspen qamtý jáne turaqty damý nátıjeleri zertteldi.