Álemniń úzdik muǵalimi atanǵan Jiger Teleýhanov qashyqtan oqytý ádisterin aıtty
Muǵalim Feısbýk jelisindegi Bilim jáne ǵylym mınıstrliginiń «Qashyqtan oqytý – oqýshylar men ata-analar úshin jańa tájirıbe» onlaın konferentsııasyna qatysyp, qashyqtan bilim berý jaıly óz pikiri men tájirıbesin bólisti.
«Qashyqtan oqytýdyń eń úlken paıdasy - bilim platformalaryn ázirleý boldy. Shetelde de túrli akademııalar ashylyp, hımııalyq eksperımentterdi qyzyqty tásildermen onlaın kórsetedi. Biz de qazaq tilinde sondaı platforma ázirleýdi bastadyq. Bolashaqta bizdiń sabaqtarymyz barlyq balalarǵa qoljetimdi bolady dep úmittenemin», - deıdi J. Teleýhanov.
Onyń aıtýynsha, hımııa pánin qashyqtan oqytýdyń basty qıyndyǵy - jalań teorııanyń ǵana bolýy. Sol sebepti, mektep muǵalimderi oqýshylarǵa vıdeosabaq túsirip jatyr. Odan bólek, arnaıy chellendj arqyly úıdegi turmystyq zattardy tekserýdi bastaǵan.
«Úı jaǵdaıynda sabyn, sýsabyn jasaý da hımııaǵa tikeleı baılanysty, mektep baǵdarlamasynda bar. Sosyn Instagram jelisinde arnaıy heshtegpen stabılızator, aromatızator, emýlgator, boıaǵyshtarǵa sıpattama berip, balalar bir-birine chellendj joldaıdy. Osyndaı ádisteme arqyly oqýshylardy oqytý qyzyq bolyp jatyr. Oqýshylar óz qoldarymen sezip kórgen nársesin jaqsyraq túsinedi. ıAǵnı, bala baǵa úshin emes, ózi úshin oqý kerek ekenin túsinedi», – deıdi jas maman.
Konferentsııa barysynda muǵalim áriptesterin kreatıvti bolýǵa, sondaı-aq, áleýmettik jelilerdiń kómegimen balany qyzyqtyratyn ádisterdi oılap tabýǵa shaqyrdy.
Eske sala ketsek, jyl basynda Jiger Teleýhanov Oksford qalasynda ótken baıqaýda 100-den asa memleketten kelgen muǵalimder arasynan úzdik shyqqan edi.