Álemniń eks-ekinshi raketkasyn jeńgen Rybakına: Match óte aýyr boldy

ASTANA. QazAqparat – Qazaqstannyń birinshi, álemniń 7-raketkasy Elena Rybakına Maıamı WTA 1000 týrnıriniń úshinshi aınalymynda ıspanııalyq Paýla Badosamen ótken oıynǵa pikir bildirdi, dep habarlaıdy QazAqparat tilshisi.

Qazaqstandyq sportshy matchtyń óte aýyr bolǵandyǵyn jetkizdi.

«Men birinshi setti nashar ótkizdim, degenmen birtindep óz kúshimdi taba bildim. Dop berýge nazar aýdaryp, kortta jyldamyraq qımyldaýǵa tyrystym. Shynynda da bul aýyr tıdi. Ár sát saıyn jınaqy oınaýǵa tyrystym, óıtkeni birinshi set meniń paıdama sheshilgen joq. Birneshe qate jiberdim. Tutastaı alǵanda, jaqsy óner kórsettim. Paýla dopty jaqsy berdi. Men úsh sette jeńgenime qýanyshtymyn», dedi E.Rybakına.

Qazaqstandyq tennısshi tórtinshi aınalymda álemniń 39-raketkasy, belgııalyq Elıza Mertenspen kezdesedi. Ol horvatııalyq Petra Martıchti joldan taıdyrdy – 6:4, 6:3.

Eske sala keteıik, budan buryn Elena Rybakına Maıamı masters týrnıriniń tórtinshi aınalymyna shyqqanyn jazǵan bolatynbyz.