Álemniń birinshi raketkasy Iga Shventek Astanaǵa keledi

ASTANA. QazAqparat – 14-15 sáýirde elordadaǵy Ulttyq tennıs ortalyǵynda Qazaqstan quramasy «Bıllı Djın Kıng kýbogy» komandalyq álem chempıonatynyń kvalıfıkatsııasy aıasynda Polsha quramasyna qarsy oınaıdy. Bul týraly QazAqparat Qazaqstan tennıs federatsııasynyń baspasóz qyzmetine silteme jasap habarlaıdy.

Polıak quramasy kil myqty sportshylaryn qatarǵa qosyp otyr. Komanda kapıtany Davıd Kelt Qazaqstanǵa qarsy oıynǵa mynadaı oıynshylardy tańdady: «Úlken shlem» týrnıriniń úsh dúrkin chempıony Iga Shventek (WTA jekeleı reıtıngnde 1-oryn), Magda Lınett (WTA jekeleı reıtıngide 19-nómir), Magdalena Freht (WTA jekeleı reıtıngide 105-nómir), Alıtsııa Rosolskaıa (WTA juptyq reıtıngide 39-oryn), Veronıka Falkovskaıa (WTA juptyq reıtıngide 92-nómir).

Polsha «Bıllı Djın Kıng kýbogynda» 1992 jyly úzdik nátıje kórsetti. Ol kezde polıaktar shırek fınalǵa deıin shyqqan bolatyn.