Álemniń 136 eli «jahandyq salyqqa» kelisti
13:47, 09 Qazan 2021
NUR-SULTAN. QazAqparat – Ekonomıkalyq yntymaqtastyq jáne damý uıymynyń elderi jahandyq korporatsııalardyń qyzmetine biryńǵaı salyq engizý týraly ýaǵdalastyqqa qol jetkizdi, dep habarlaıdy QazAqparat Euronews-ke silteme jasap.
Kelissózderge qatysqan 140 eldiń 136-sy 15% salyq jınaýǵa kelisim berdi. Olardyń úlesine álemdik JІÓ-niń 90%-dan astamy tıesili. Reforma júzdegen iri kompanııalarǵa qatysty ekeni atalyp ótildi jáne ol 125 mıllıard dollardy qaıta bólýge múmkindik beredi.
«Kelisim HHІ ǵasyrdyń naqty salyq revolıýtsııasyna jol ashady. Bul revolıýtsııa, óıtkeni biz endi qaıta oralmaımyz. Bul salyq revolıýtsııasy, óıtkeni ol salyq salýdy ádiletti etedi», - dedi Frantsııa qarjy mınıstri Brıýno le Mer.