Álemniń 130 eli «tsıfrlyq salyq» jobasyna qoldaý kórsetti – EYDU

NUR-SULTAN. QazAqparat - Álemniń 130 eli men aýmaǵy tsıfrlyq korporatsııalardyń qyzmetine iri salyq salatyn jáne halyqaralyq kompanııalardyń salyq tóleýden jaltarýyn azaıtatyn reformaǵa qosylýǵa kelisti. Bul týraly Ekonomıkalyq yntymaqtastyq jáne damý uıymynyń ókilderi málimdedi, dep habarlaıdy QazAqparat Euronews-ke silteme jasap.

Joba osy uıymnyń aıasynda qurylǵan bolatyn.

Joba boıynsha, birinshiden, korporatsııalar paıda tapqan elde salyq tóleıdi. Ekinshiden, «salyq aılaqtarynyń» paıda bolmas úshin barlyq elder úshin eń tómengi mindetti kórsetkish — 15% engiziledi.

«Bul - ambıtsııaǵa toly jáne ınnovatsııa turǵysynan jahandyq kelisim. Bul - bir ǵasyr boıy salyq salasyndaǵy eń mańyzdy kelisim. Kelesi kezeń - 10 shildede Venetsııadaǵy «Úlken jıyrmalyqtyń» kezdesýi, onda qarjy mınıstrleri qujatqa saıası qoldaý kórsetýi kerek», - dedi Frantsııanyń qarjy mınıstri Brıýno le Mer.

Jobamen jumys birneshe jyl boıy júrgizildi; búgingi tańda ol memlekettik bıýdjetterge koronakrızısten keıin ekonomıkany qalpyna keltirý úshin qosymsha kiristerdi qamtamasyz etýdiń óte ýaqtyly múmkindigi delinedi. Jańa túsimderdiń jalpy kólemi jyl saıyn 150 mıllıard dollarǵa baǵalanady.