Álemge kerek ýrannyń 40 paıyzyn Qazaqstan shyǵaryp otyr

<p>ASTANA. KAZINFORM &ndash; Byltyr Dýbaıda ótken Birikken Ulttar Uıymynyń COP28 klımattyq ózgerister jónindegi konferentsııasynda 20-dan astam memleket 2050 jylǵa qaraı atom energetıkasy qýatyn úsh ese arttyrý týraly deklaratsııaǵa qol qoıdy. Mańyzdy qujat atom energetıkasy búkil álemde nóldik shyǵaryndylarǵa qol jetkizý úshin mańyzdy ról atqaratynyn rastaıdy.</p>

Osy oraıda «Qazatomónerkásip» AQ basqarma tóraǵasy Meıirjan ıÝsýpov byltyr atqarylǵan jumystarǵa toqtalyp, kompanııanyń aldaǵy josparymen bólisti. 

— Atom energetıkasy elektr qýatyn úlken kólemde úzdiksiz qamtamasyz etý múmkindigine ıe bolǵandyqtan, ol turaqty, ekologııalyq taza jáne ornyqty energııa balansyna umtylatyn elder úshin taptyrmas qýat kózi dep sanalady. Qazaqstan álem boıynsha energetıkalyq qajettilikter úshin otyndy qamtamasyz ete otyryp, jyl saıyn álemdik ýran óndirisiniń shamamen 40 paıyzyn shyǵaryp keledi. Bul — álemdegi árbir úshinshi ıadrolyq reaktor qazaqstandyq ýranmen jumys isteıtinin bildiredi. Álemdegi eń iri ýran óndirýshi retinde biz búkil álem boıynsha atom elektr stantsııalary úshin ýrandy turaqty jáne senimdi jetkizýdi qamtamasyz etýge daıynbyz, — dedi M. ıÝsýpov.

Memleket basshysy ótken jyldyń qyrkúıek aıyndaǵy óz Joldaýynda retteletin satyp alýda otandyq taýar kólemin ulǵaıtýdyń jáne ofteık júıesin tolyqqandy iske qosýdyń mańyzyn atap ótken bolatyn.

— «Qazatomónerkásip» kompanııasynda 2019 jyldan bastap ımportty almastyrý jónindegi jergilikti jobalaý keńsesi jumys isteıtinin atap ótkim keledi. Onyń qyzmetine jańa óndirister qurý jónindegi jobalardy qaraý jáne otandyq taýar óndirýshilerdi qoldaý kiredi. Byltyr «Qazatomónerkásiptiń» enshiles jáne táýeldi uıymdary jalpy somasy 1,2 mlrd teńgege 50 ofteık-shart jasasty. Prezıdent sondaı-aq mıneraldy-shıkizat bazasyn tolyqtyrý qajettigin atap kórsetti. Bul másele bizdegi basymdyqtardyń biri bolyp tabylady. Kompanııa jańa ken oryndaryn ashýǵa baǵyttalǵan aýmaqtardy baǵalaý úshin geologııalyq barlaý jumystarynyń aýqymdy baǵdarlamasyn iske qosýdy josparlap otyr, — dedi basqarma tóraǵasy.

Álemdegi turaqsyz geosaıası jáne táýekelder jaǵdaıynda «Qazatomónerkásip» tabıǵı ýrandy senimdi jetkizýshi retinde óziniń kóshbasshylyq ornyn saqtap kele jatqanyn atap ótken jón.