Álemdik jáne dástúrli dinder lıderleri sezi arqyly rýhanı dıplomatııa nyǵaıtylmaq
«2022 jyldyń qyrkúıeginde ótken jetinshi Sezde Qazaqstan Prezıdenti Qasym-Jomart Kemeluly Toqaev ótken jyldyń qyrkúıek aıynda bekitilgen «Álemdik jáne dástúrli dinder kóshbasshylary seziniń 2033 jylǵa deıingi tujyrymdamasyn» ázirleý týraly bastama kóterdi. Tujyrymdama Sezdiń odan ári damýynyń jalpy baǵyt-baǵdaryn, mıssııasy men maqsattaryn anyqtaıdy. Sondaı-aq Máýlen Saǵathanuly (Senat tóraǵasy) atalǵan Tujyrymdamany iske asyrý jóninde Іs-sharalar josparyn bekitti», - dedi A. Balaeva.
Osy oraıda Mádenıet mınıstri jospar aıasynda atqarylǵan jumystardy jarııa etti. Birinshiden, Qazaqstan Hatshylyq pen Sezdegi áriptestermen halyqaralyq qoǵamdastyqta tujyrymdamany ilgeriletý maqsatynda mańyzdy jumystardy iske asyryp jatyr. Sez seriktesterimen birlese otyryp, Úndistan, Túrkııa, Mysyr men Vatıkanda taqyryptyq dóńgelek ústel otyrystary uıymdastyryldy. Sonymen qatar «Qazaqstan – álemniń rýhanı astanasy» taqyrybynda taqyryptyq ekspozıtsııalar, kórmeler, muraǵattyq prezentatsııalar ótkizildi, onda bizdiń sýretshilerdiń úzdik jumystary usynyldy. Sondaı-aq Qazaqstan men sheteldiń joǵary oqý oryndarynda Sez Tujyrymdamasynyń ıdeıalaryn ilgeriletý boıynsha dárister serııasy iske asyrylyp otyr.
«Sez qyzmeti jóninde álemdik jurtshylyqty habardar etý maqsatynda Sezder aralyǵyndaǵy ýaqytta, onyń ishinde úzdik sheteldik BAQ-ta («Euronews», «BBS», «CNN», «Bloomberg», «Washington Post», «Al Jazeera», «Xinhua», «Vatican News») 1800-den astam túrli materıal jarııalandy. Tujyrymdama ıdeıalary Qazaqstannyń memlekettik organdary men sheteldegi dıplomatııalyq mıssııalarynyń, sondaı-aq Sezdiń halyqaralyq áriptesteriniń 56 ınternet-resýrsynda kórinis tapty», - dedi vedomstvo basshysy.
A. Balaeva erteń Sezd tarıhynda alǵash ret Jas dinı lıderler forýmy ótetinin atap ótti. Іs-sharanyń maqsaty – jahandyq syn-qaterlerdi sheshý jolynda urpaqtar sabaqtastyǵyn jalǵaý, birlese kúsh-jiger biriktirý.Forým aıasynda Sezder men Hatshylyqtardyń dinı materıaldarynyń, elektrondyq kitaphanasynyń, olardyń qatysýshylarynyń, halyqaralyq uıymdar ókilderiniń, memleket jáne qoǵam qaıratkerleriniń, ǵalymdar men sarapshylardyń sózderi men eńbekteriniń tanystyrylymy ótedi. Bul baǵyttaǵy jumys jalǵasatyn bolady.
«Іzgi nıet elshileri ınstıtýtyn qurý jónindegi bastama iske asyryldy. Bul óte mańyzdy is-shara jáne biz rýhanı dıplomatııany damytýda elshilerden úlken úmit kútemiz. Búginde jahandyq syn-qaterlerdi eskere otyryp, Sezd tujyrymdamasy aldymyzǵa jańa mindetter qoıyp otyr. Aldaǵy on jyldaǵy bizdiń strategııalyq maqsatymyz – Sezdiń jańa ınstıtýttaryn – álemdik jáne dástúrli dinder lıderleri Seziniń izgi nıetti elshilerin jáne jas dinı lıderler forýmyn iske qosý arqyly rýhanı dıplomatııany nyǵaıtý. Biz negizgi baǵdarlamalardy anyqtap, osy maqsattarǵa birlesip qalaı jetýge bolatyndyǵy týraly naqty qadam jasap otyrmyz», - dedi mınıstr.
Budan buryn habarlanǵandaı, Senat tóraǵasy Máýlen Áshimbaev elordada ótip jatqan Álemdik jáne dástúrli dinder kóshbasshylary sezi hatshylyǵynyń HHІІ otyrysynda konfessııalar men mádenıetter arasyndaǵy dıalogqa jastardy kóbirek tartýdyń mańyzyna toqtaldy.