Álemdik fýtbol juldyzy sý tasqynynan zardap shekken aqtóbelik otbasylarmen kezdesti

<p>AQTÓBE. KAZINFORM &ndash; Frantsııa ulttyq quramasy men aǵylshyndyq &laquo;Chelsı&raquo; komandasynyń burynǵy oıynshysy Klod Makelele Aqtóbe oblysynda qurylǵan qoǵamdyq shtab ókilderimen birge Q.Jubanov atyndaǵy Aqtóbe óńirlik ýnıversıtetiniń jataqhanasyndaǵy ýaqytsha ornalastyrý pýnktine baryp, sý tasqynynan zardap shekken otbasylarmen kezdesip, jaǵdaılarymen tanysty.</p>

Sondaı-aq, kezdesý barysynda ataqty aıaqdop sheberi jataqhanadaǵy otbasylardyń balalaryna estelik retinde qoltańbasy bar fýtbol dobyn syılap, bolashaǵyn fýtbolmen baılanystaryn jas órenderge alańda dop tebýdiń qyr-syry, ádis-tásilderi, úlken sportta tabysqa jetý joldary, ómirlik tájirıbesi jaıynda aıtyp, bolashaqta úlken fýtbol juldyzy bolýdy tiledi.

Foto: Kazinform

Shara Aqtóbe oblystyq qoǵamdyq shtab ókilderiniń bastamasymen ótti. 

Eske salaıyq, esimi ańyzǵa aınalǵan fýtbolshy Aqtóbe qalasyna «Super bol» - talanttardy tańdaýǵa arnalǵan sharanyń qurmetti qonaǵy retinde kelgen.

Jobanyń maqsaty – áýesqoı oıynshylardy kásipqoı fýtbol deńgeıine deıin kóterý.

Foto: Kazinform