Álemdik bırjada munaı baǵasy arzandady

<p>ASTANA. KAZINFORM <strong>&ndash; </strong>Londonnyń ICE (InterContinental Exchange Futures) bırjasynda Brent markaly munaıdyń bir barreliniń baǵasy Astana ýaqytymen 08:20-de 4,43 paıyzǵa arzandap 72,68 dollar boldy.</p>

Al WTI markaly munaıynyń baǵasy barreline 4,54 dollarǵa arzandap, 68,52 dollardy qurady.

Sarapshylar munaı baǵasynynyń bulaı ózgerýin Taıaý Shyǵystaǵy turaqsyzdyqtarmen baılanystyrady. Goldman Sachs sarapshylary Irannyń munaı óndirisiniń 90%-ǵa deıin úlesin quraıtyn Harg aralynyń osy aptada Tegerannyń zymyran shabýylyna jaýap retinde Izraıl soqqysynyń nysanasyna aınalýy yqtımal ekenin atap ótti. Bul jaǵdaıda Iranda munaı óndirý táýligine 1 mıllıon barrelge azaıyp, ol uzaq ýaqytqa jalǵasýy múmkin ekenin aıtýda. 

Eske salsaq, ótken senbi kúni Izraıl áskerıleri Irandaǵy áskerı nysandarǵa áýeden soqqy jasady. Izraıl bıligi áýe soqysyIrandaǵy áskerı nysandarǵa dál tıip jatqanyn málimdedi. Izraıl áskeri Irannyń mańyzdy degen qorǵanys ónerkásibiniń ortalyq áskerı nysandaryna, sonyń ishinde zymyran zaýyttary, ushqyshsyz ushaqtardy ázirleý jáne óndirý nysandary jáne ballıstıkalyq zymyrandardy ushyrý bazalaryna soqqy bergen.