Álemdik BAQ-taǵy Qazaqstan: Toqaevtyń AES týraly pikiri, perzenthanalar men sý resýrstary
Anadolu Agensy: Toqaev: Bıyl kúzde Qazaqstanda atom elektr stantsııasyn salý boıynsha referendým ótedi
Bıyl kúzde Qazaqstanda atom elektr stantsııasyn salý boıynsha referendým ótedi. El Prezıdenti Qasym-Jomart Toqaev BAQ qyzmetkerlerin marapattaý rásiminde osylaı aıtty, dep habarlaıdy Anadolu Agensy.
Ózderińiz jaqsy bilesizder, ekonomıkany damytý úshin turaqty energııa kózi kerek. Sondyqtan men atom elektr stansasyn salý máselesin pysyqtaý týraly naqty tapsyrma berdim. Qazir jan-jaqty talqylaý bolyp jatyr. Ártúrli pikir aıtylýda. Bul úderiske buqaralyq aqparat quraldary da belsene atsalysýy kerek, – dep keltirdi basylym Memleket basshysynyń sózin.
Agenttik Toqaev Qazaqstanda, shyn máninde, atom energetıkasyn damytý úshin zor múmkindikter bar degenin jáne sheshimdi halyq shyǵaratynyn atap ótken.
Shyn máninde, elimizde atom energetıkasyn damytýǵa zor múmkindik bar. Ony durys, ıaǵnı tıimdi paıdalanǵan jón. Osy máselege qatysty sońǵy sheshimdi halyq qabyldaıdy. Referendým bıyl kúzde ótedi. Úkimet naqty datany aıqyndaıdy, – dep jazdy basylym Prezıdenttiń aıtqanyn.
Trend: Qazaqstan Prezıdenti halyqaralyq yntymaqtastyqty nyǵaıtýǵa baǵyttalǵan eki zańǵa qol qoıdy
27 maýsymda Qazaqstan Prezıdenti Qasym-Jomart Toqaev halyqaralyq yntymaqtastyqty nyǵaıtýǵa baǵyttalǵan eki zańǵa qol qoıdy. Bul týraly Trend tilshisi Álı Gasymov habarlady.
Tilshiniń málimdeýinshe, birinshi zań – «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy mádenı ortalyqtardy ózara qurý týraly kelisimdi ratıfıkatsııalaý týraly». Bul kelisim mádenı-gýmanıtarlyq saladaǵy dostyq qarym-qatynasty, almasý men yntymaqtastyqty damytýǵa baǵyttalǵan. Oǵan sáıkes, eki memlekettiń mádenı ortalyqtary jiberýshi tarap akkredıttegen jáne qabyldaýshy eldiń zańnamasyna sáıkes jumys isteıtin kommertsııalyq emes uıymdar bolady.
Ekinshi zań – «Túrki memleketteri uıymyna múshe memleketterdiń úkimetteri arasyndaǵy halyqaralyq quramdastyrylǵan júk tasymaldary týraly kelisimdi ratıfıkatsııalaý týraly».
Sentralasia.news: Qazaqstanda perzenthanalarǵa bólinetin qarjy ulǵaıdy
QR Densaýlyq saqtaý mınıstrligi perzenthanalar men neonatologııadaǵy medıtsınalyq qyzmetterdiń sapasyn arttyrý maqsatynda olardyń tarıfterin qaıta qarady. Bul týraly Sentralasia.news habarlady.
1 maýsymnan bastap kúrdeli bosaný, onyń ishinde kesar tiligi boıynsha tarıfter 60%-ǵa, al jańa týǵan nárestelerdi kútý boıynsha tarıfter 35%-ǵa kóterildi, – dep keltirdi basylym vedomstvo basshysy Aqmaral Álnazarovanyń pikirin.
Agenttiktiń málimetinshe, bul ózgerister medıtsınalyq qyzmetterdi kóbeıtý men olardyń sapasyn jaqsartýǵa, sondaı-aq bilikti mamandardy tartýǵa baǵyttalǵan.
Sońǵy jyldary tarıfter medıtsınalyq uıymdardyń ana men nárestelerge kútim kórsetýge jumsaǵan shyǵyndaryn óteı almaı keldi. Qarjynyń azdyǵy osy uıymdarda kredıtorlyq bereshektiń qalyptasýyna sebep boldy. Tarıfterdi qaıta esepteý kezinde medıtsınalyq mekemelerdiń qyzmet kórsetýge ketken naqty shyǵyndary eskerildi.
Report: Kaspıı teńizi máseleleri boıynsha joǵary deńgeıdegi jumys tobynyń VIII otyrysy ótti
2024 jylǵy 24-26 maýsymda Iran astanasy Tegeranda Kaspıı teńizi máseleleri boıynsha joǵary deńgeıdegi jumys tobynyń 8-shi otyrysy ótti. Bul týraly Report Ázerbaıjan Syrtqy ister mınıstrligine silteme jasap habarlady.
Agenttiktiń málimetinshe, kelissózge Qazaqstannyń Kaspıı teńizi máseleleri jónindegi arnaıy ókili Zúlfııa Amanjolova qatysqan. Kezdesý barysynda taraptar Kaspıı teńizine tikeleı shyǵý jelilerin salý ádistemesin talqylaýdy jalǵastyrdy.
Basylym kelesi kezdesý Qazaqstanda ótetinin atap ótti.
Kelissóz barysynda Kaspıı teńizindegi yntymaqtastyqqa sholý jasaldy. Delegatsııalar Iran tarapyna kezdesýdi joǵary deńgeıde uıymdastyrǵany úshin alǵys bildirdi. SÓJT kelesi otyrysy Qazaqstanda ótedi, onyń kúnderi dıplomatııalyq arnalar arqyly kelisiledi, – dep jazdy Report.
Daryo: Qazaqstan sý resýrstaryn basqarý júıesin jańǵyrtýǵa $1 mıllıard tartýdy kózdep otyr
Premer-mınıstrdiń orynbasary – ulttyq ekonomıka mınıstri Nurlan Baıbazarov Qazaqstannyń sý sharýashylyǵy júıesin qalpyna keltirý boıynsha aýqymdy jobanyń bastalǵanyn málimdedi. Bul týraly Daryo úkimettiń baspasóz qyzmetine silteme jasap habarlady.
Basylym kóktemgi sý tasqyny aýqymdy jańartý baǵdarlamasynyń katalızatory bolǵanyn atap ótti. El úkimeti problemalardy joıý jáne sýdy paıdalanýdyń qaýipsizdigi men tıimdiligin qamtamasyz etý úshin 500 mıllıard teńgeden (1 mıllıard dollar) astam ınvestıtsııany qajet etetin 16 basym jobany anyqtady.
Islam damý bankinen jeńildetilgen qarjy tartý pysyqtalyp jatyr. Qarajat uzaq merzimge jáne óte tómen mólsherlememen beriledi, bul osy saladaǵy qordalanǵan máselelerdi sheshýge kómektesedi, – dep jazdy basylym.