Álemdik BAQ-taǵy Qazaqstan: strategııalyq alıans, astyq rekordy, 5G jetistikteri
Strategııalyq alıanstar: Túrkııa men Qazaqstannyń yntymaqtastyǵy
Qazaqstan buryn Túrkııanyń turaqty ınvestıtsııalyq seriktesi bolsa, endi strategııalyq odaqtasyna aınaldy, Ortalyq Azııadaǵy mańyzdy býyndy qamtamasyz etti, al dıplomatııalyq úılesimdilik turaqty yntymaqtastyqqa yqpal etedi. Eki el arasyndaǵy ekonomıkalyq, strategııalyq jáne basqa baǵyttaǵy qarym-qatynas týraly dailysabah agenttigi kólemdi materıal jarııalady.
Basylym Qazaqstan men Túrkııa arasyndaǵy dıplomatııalyq qatynastyń tarıhynan bastap, búginge deıingi baılanysyn baıandaǵan. Sonymen qatar, saýda-ekonomıkalyq qatynastaǵy kórsetkishterine aıryqsha toqtalǵan.
2022 jyly Qazaqstan men Túrkııa arasyndaǵy saýda kólemi 6,3 mlrd dollarǵa (188,62 mlrd túrik lırasy) deıin ósti, osynyń arqasynda Túrkııa Qazaqstannyń tórtinshi iri saýda seriktesi atandy. Bul ekonomıkalyq yntymaqtastyqtyń taǵy bir kórinisi retinde Túrkııanyń Qazaqstan ekonomıkasyna 5 mıllıard dollardan astam tikeleı ınvestıtsııa quıǵanyn jáne eldegi eń iri 10 ınvestor qatarynda Túrkııanyń pozıtsııasy nyǵaıyp kele jatqanyn atap ótýge bolady, – dep jazdy dailysabah.
Agenttiktiń atap ótýinshe, Túrkııa úshin Qazaqstan ınvestıtsııa salýǵa turaqty áriptes qana emes, baǵa jetpes odaqtas elge, ásirese Ortalyq Azııa aımaǵynda yqpalyn júrgizetin strategııalyq arnasyna aınaldy.
Ankara men Astananyń dıplomatııalyq múddeleriniń úılesýi olardyń aýmaly-tókpeli jahandyq landshaftta ortaq maqsattary men ózara tıimdi qarym-qatynasy bar ekenin kórsetedi. Eki el de jyldam ózgerip jatqan halyqaralyq júıege beıimdele otyryp, Ankara men Astana arasyndaǵy mundvı jaqyndastyq jalǵasyp, odan ári yntymaqtastyq pen ózara is-qımylǵa yqpal etýi múmkin, – dep túıindedi basylym maqalany.
Qazaqstan Qytaıǵa astyq jetkizýden rekord ornatty
Ótken jyly 2,2 mıllıon tonna bıdaı, arpa, soıa, zyǵyr jáne kúnbaǵys tuqymdary Qytaıǵa jiberilgen. Bul 2022 jyly jetkizilgen 615 000 tonnamen salystyrǵanda áldeqaıda kóp, ıaǵnı byltyr úlken ósim bolǵan. Bul týraly eurasianet jazdy.
Qytaıdyń kedendik ótkelderinde COVID-19-ben baılanysty sanıtarlyq rejımniń álsireýi Qazaqstanǵa 2023 jyly elge aýyl sharýashylyǵy ónimderi eksportynyń kólemin ótken jylmen salystyrǵanda tórt esege arttyrýǵa múmkindik berdi. Ótken jyly Qytaıǵa bıdaı, arpa, soıa, zyǵyr jáne kúnbaǵys tuqymyn qosqanda 2,2 mıllıon tonna jóneltilgen. Bul kórsetkish 2022 jyly jetkizilgen 615 000 tonna mejesinen ǵana emes, sondaı-aq buǵan deıingi rekord - 1,2 mıllıon tonnadan da aıtarlyqtaı kóp. Atalǵan rekordtyq kórsetkish 2019 jyly tirkelgen edi, - dep jazdy basylym qazaqstandyq eldala saıtyna silteme jasap.
eurasianet málimetinshe, Qytaı naryǵynyń qaıta oralýy qazaqstandyq agrarlyq sektorǵa qıyn jaǵdaıdan shyǵýǵa septigin tıgizdi. Qytaıdaǵy karantın rejımi jáne qatań sanktsııa sarsańyna túsken Irannan tólem jasaý qıyndaǵan soń qazaqstandyq fermerler óz ónimin tek Ortalyq Azııadaǵy kórshilerine satýǵa májbúr bolǵan. Tolyǵyraq myna siltemeden oqýǵa bolady.
Qazaqstan 2024 jyly birneshe bedeldi halyqaralyq uıymǵa tóraǵalyq etedi – prezıdent Toqaev
Memleket basshysy Qasym-Jomart Toqaev osy jyldyń 3 qańtarynda otandyq Egemen Qazaqstan basylymyna kólemdi suhbat bergen bolatyn.
Ótken aptada suhbat týraly birneshe sheteldik baspasóz jazǵanyn aıtqanbyz. Degenmen osy aptada da Prezıdenttiń suhbatyn jarııalaǵan basylymdar boldy. Solardyń biri – economictimes agenttigi.
Qazaqstan Prezıdenti Qasym-Jomart Toqaev jaqynda eldiń 2024 jylǵy syrtqy saıasatyna egjeı-tegjeıli toqtalyp, Astana ult múddesin eskere otyryp, syndarly ári salıqaly syrtqy saıasatty jalǵastyratynyn aıtty. Ol Qazaqstan 2024 jyly birneshe bedeldi halyqaralyq uıymǵa, eń aldymen Túrki memleketteri uıymyna, Shanhaı yntymaqtastyq uıymyna, Ujymdyq qaýipsizdik týraly shart uıymyna, Azııadaǵy ózara is-qımyl jáne senim sharalary jónindegi keńeske tóraǵalyq etetinin atap ótti, – dep jazdy sheteldik basylym.
Aǵylshyn basylymynyń Memleket basshysynyń suhbatyna qatysty jazǵan materıalyn tolyǵyraq myna siltemeden oqı alasyz.
Qazaqstan Eýrazııalyq ekonomıkalyq odaqta 5G engizý boıynsha kóshbasshy el boldy
El úkimeti geografııalyq kedergilerdi eńsere otyryp, barlyq turǵynǵa teń múmkindikter usynyp, búkil elde Internetke úzdiksiz qol jetkizýdi qamtamasyz etýge tyrysyp jatyr. Mundaı málimetti caspiannews.com baspasy habarlady.
Qazaqstan – Ortalyq Azııanyń eń iri eli, Eýrazııalyq ekonomıkalyq odaqqa (EAEO) múshe elder arasynda 5G engizý boıynsha kóshbasshy el retinde bul qyzmetterdi jedeldetý josparyn ilgeriletýde. 2023 jylǵy naýryz ben jeltoqsan aralyǵynda ótken konkýrstyq aýktsıonda operatorlarǵa jıilikter berilgeli on aıda 5G engizý jospary kesteden ozyp keledi, – dep jazdy basylym otandyq zakon.kz agenttigine silteme jasap.
Sonymen qatar, caspiannews.com jazýynsha, Qazaqstannyń tehnologııalyq bolashaǵyna qatysty Prezıdent baǵdarlamasy 5G-di jedeldetip engizýdiń qozǵaýshy kúshi boldy. Qazanda ótken «Digital Bridge 2023» forýmynda Qasym-Jomart Toqaev 2025 jyldyń sońyna deıin barlyq oblys ortalyqtaryn jańa býyn baılanysymen qamtamasyz etýdi jedeldetý qajet dep atap ótkenin jazdy.