Álemdik BAQ-taǵy Qazaqstan: Malaızııamen yntymaqtastyq, tennıstegi jetistik jáne ShYU qaýipsizdik keńesi

<p><strong>Osy aptada</strong> <strong>sheteldik basylymdar elimizge qatysty túrli aqparat taratty. Halyqaralyq basylymdar </strong><strong>Astanada ótken</strong> <strong>ShYU-ǵa múshe memleketterdiń qaýipsizdik keńesteri hatshylarynyń kezdesýi, elimizdiń Malaızııamen turaqty damý jobalaryn birigip jasaýdaǵy yntymaqtastyǵy jáne qazaqstandyq tennısshilerdiń jetistigin jazdy. Álemdik BAQ Qazaqstan týraly taǵy ne jazdy &ndash; tolyǵyraq </strong><a href="https://kaz.inform.kz/" target="_blank" rel="noopener">Kazinform</a>&nbsp;<strong>tilshisiniń sholýynan oqyńyz.</strong></p>

Daryo: Qazaqstan turaqty damý bastamalaryn júzege asyrýda Malaızııamen yntymaqtasady

Turaqty damý bastamalaryn ilgeriletý úshin Qazaqstannyń turǵyn úı-kommýnaldyq sharýashylyǵy ortalyǵy jaqynda Ecolos kómegimen Malaızııanyń Ranhill halyqaralyq kompanııasymen kelissózder júrgize bastady, dep habarlady ózbekstandyq daryo agenttigi.

Basylymnyń málimetinshe, taraptar aǵyn sýdy tazartý qondyrǵylary jobalaryna jáne ınfraqurylymdy kómirteksizdendirýge baǵyttalǵan bastamalarǵa erekshe nazar aýdara otyryp, yntymaqtastyqtyń strategııalyq baǵyttaryn talqylady. Turǵyn úı-kommýnaldyq sharýashylyq QazOrtalyǵy halyqaralyq jáne jeke ınvestıtsııalardy tartý arqyly aǵyn sýdy tazartý jobalarynda Ranhill jáne Ecolos kompanııalaryna qoldaý kórsetýge daıyn.

Bul jobanyń búkil Qazaqstan boıynsha engizý perspektıvasymen dekarbonızatsııa salasyndaǵy halyqaralyq yntymaqtastyqtyń úlgisi bolý áleýeti bar. Taraptar turǵyn úı-kommýnaldyq sharýashylyq QazOrtalyǵy tehnıkalyq spetsıfıkatsııany ázirleıdi, al Ranhill kompanııasy Ecolos kompanııasymen birlesip, aldyn ala jobany usynady dep kelisti. Jobany bıýdjet qarajatyna súıenbeı, halyqaralyq jáne jeke ınvestıtsııalardy tartý arqyly júzege asyrý josparlanǵan, – dep jazdy daryo.

The Times of Central Asia: Qazaqstan tennısi: sheteldik talanttar jáne buqaralyq baǵdarlamalar

Qazaqstandyq tennısshilerdiń jetistikteri týraly The Times of Central Asia jazdy. Basylym Elena Rybakına, Ámir Omarhanov, Asyljan Arystanbekovanyń jetistikterine toqtaldy.

Agenttiktiń málimetinshe, Máskeýde týǵan Qazaqstan azamaty Elena Rybakınanyń ótken demalysta Miami Open týrnırinde sátti óner kórsetip, fınalǵa deıin jetti. Qazaqstan Tennıs Federatsııasy bul jetistikti laıyqty deńgeıde atap ótkenimen, biraq álemdik deńgeıde otandyq sportshylardyń top jarǵanyn qalaıdy.

Tamasha eki apta boldy. Kóptegen qıyn matchtar, keremet kezdesýler ótkerdik, – dep keltirdi basylym 24 jastaǵy Rybakınanyń sózin.

Qazaqstandyq tennısshi fınalǵa jetkenshe bes kezdesýde jeńiske jetip, aqtyq synda amerıkalyq Danıel Kollınzden jeńilip qaldy. Álemniń tórtinshi raketkasy Rybakına 2022 jyly Ýımbldonnyń jeńimpazy atandy, al ótken jyly Avstralııa ashyq chempıonatynda ekinshi oryn alǵan bolatyn.

Eń talantty tennısshiler qatarynda Ámir Omarhanov bar, ol bıyl jasóspirimder arasynda Avstralııa ashyq chempıonatynyń shırek fınalyna shyqqan tuńǵysh qazaqstandyq oıynshy boldy. Áıelder arasynda bıyl Melbýrn qalasynda ótken jasóspirimder arasyndaǵy juptyq týrnırde Asyljan Arystanbekova shırek fınalǵa shyqty, – dep jazdy The Times of Central Asia.

Anadolu: Qazaqstan Prezıdenti ShYU zamanaýı syn-qaterler men qaýipterge qarsy qoldanatyn ádis-tásilderin kúsheıtýi qajet dep málimdedi

Túrkııanyń Anadolu agenttigi elordada ótken ShYU-ǵa múshe memleketterdiń qaýipsizdik keńesteri hatshylarynyń kezdesýi týraly jazdy. Basylymnyń málimetinshe, sársenbi kúni Qazaqstan Prezıdenti Shanhaı yntymaqtastyq uıymynyń (ShYU) zamanaýı syn-qaterler men qaýipterge qarsy qoldanatyn ádis-tásilderin kúsheıtýi qajet ekenin aıtty.

Memleketterimizdiń shyrqyn buzatyn terrorızm, ekstremızm jáne separatızm áreketteriniń beleń alýyna jol berýge bolmaıdy, – dep keltirdi túrkııalyq agenttik Qasym-Jomart Toqaevtyń sózin.

Anadolu Toqaev Qazaqstannyń usynysy boıynsha ShYU qyzmetin jetildirý úderisi bastalǵanyn aıta kele, aımaqtyq jáne halyqaralyq qaýipsizdiktiń tıimdi quraly retinde uıymnyń áleýetin iske asyrý qajettigin atap ótkenin jazdy.

The Times of Central Asia: Qazaqstan Prezıdenti aımaqtyq qaýip-qaterlerge toqtaldy

Qazaqstan Prezıdenti Qasym-Jomart Toqaev ShYU-ǵa múshe elder: Qytaı, Reseı, Úndistan, Qyrǵyzstan, Tájikstan, Pákistan, Iran, Ózbekstan jáne Qazaqstannyń qaýipsizdik keńesteriniń hatshylarymen kezdesýi týraly The Times of Central Asia da jazdy.

Basylym buǵan deıingi agenttiktiń málimetimen qosa, Qazaqstan Prezıdentiniń 2025-2027 jyldarǵa arnalǵan terrorızmge, separatızmge jáne ekstremızmge qarsy is-qımyl jónindegi ShYU yntymaqtastyq baǵdarlamasyn ázirleý, sondaı-aq ShYU-nyń 2024-2029 jyldarǵa arnalǵan esirtkige qarsy strategııasyn qabyldaý qajettigin aıtqanyn habarlady.

...Transulttyq uıymdasqan qylmysqa, zańsyz esirtki aınalymyna jáne kıberqaýipsizdik syn-qaterlerine qarsy kúres Qazaqstannyń ShYU-ǵa tóraǵalyq etý kezeńindegi eń basty basymdyqtardyń biri sanalady, – dep jazdy The Times of Central Asia Toqaevtyń baıandamasyna silteme jasaı otyryp.