Álemdik BAQ-taǵy Qazaqstan: Koreıa prezıdentiniń sapary, aýyzsý tapshylyǵy, Túrkııaǵa eksport

<p><strong>Osy aptada Qazaqstannyń syrtqy saıasaty úshin mańyzdy oqıǵa boldy. Elordaǵa Ońtústik Koreıanyń prezıdenti ıÝn Sok El memlekettik saparmen keldi. Eki eldiń basshylary birqatar ortaq jobalardy talqylap, bıznes ókilderi kezdesti. Bul týraly álemdegi birqatar BAQ jarysa jazdy. Sonymen qatar, sheteldik basylymdar elimizdegi taza aýyzsý problemasyn sheshý, Túrkııaǵa eksport tasymaldaýǵa qatysty materıaldar jarııalady. Tolyǵyraq <a href="https://kaz.inform.kz/" target="_blank" rel="noopener">Kazinform</a> tilshisiniń sholýynan oqyńyz.</strong></p>

Anadolu Agency: Ońtústik Koreıa prezıdenti Ortalyq Azııa týrynyń ekinshi kezeńi aıasynda Qazaqstanǵa keldi

Ońtústik Koreıa prezıdenti ıÝn Sok El seısenbide Ortalyq Azııa týrynyń ekinshi kezeńi aıasynda Qazaqstanǵa keldi. Bul týraly Anadolu agenttigi habarlady.

Astanada ony premer-mınıstr Oljas Bektenov qarsy aldy. ıÝn sársenbide óziniń qazaqstandyq áriptesi Qasym-Jomart Toqaevpen kezdesedi, sodan keıin olar eki el arasyndaǵy strategııalyq áriptestikti tereńdetý boıynsha Ózara túsinistik týraly memorandýmǵa qol qoıady, – dep jazdy basylym.

The Times of Central Asia: Qazaqstan jáne Ońtústik Koreıa: «dostyqtyń altyn kópiri»

Koreıa Respýblıkasy prezıdentiniń elimizge sapary týraly The Times of Central Asia basylymy da habarlap, Qazaqstan Prezıdenti Qasym-Jomart Toqaev Ońtústik Koreıa Prezıdenti ıÝn Sýk Elmen kelissóz júrgizgenin jazdy.

Basylym Toqaevtyń sózine silteme jasap, Seýl Astananyń Azııa-Tynyq muhıty aımaǵyndaǵy mańyzdy strategııalyq seriktesteriniń biri ekenin habarlady.

Koreıa syrtqy saýda aınalymy boıynsha tórtinshi orynda jáne Qazaqstannyń eń iri sheteldik ınvestorlarynyń ondyǵyna kiredi. Ońtústik Koreıa álemdik aýqymda naǵyz ekonomıkalyq jáne tehnologııalyq lokomotıvke aınaldy, – dep keltirdi basylym Toqaevtyń tsıtatasyn. 

Qazaqstanda Ońtústik Koreıa kapıtaly bar 700-den astam kompanııa tabysty jumys isteıdi.

Qazaqstanda 120 myń etnıkalyq koreı mańyzdy ról atqarady jáne bizdiń qarym-qatynasymyzdy nyǵaıtýǵa baǵa jetpes úles qosady. Óz kezeginde Koreıada oqıtyn myńnan astam qazaqstandyq stýdent – elderimiz arasyndaǵy «dostyqtyń altyn kópiri», – dep bólisti agenttik Qazaqstan basshysynyń sózin.

Sonymen qatar, basylymnyń málimetinshe, kelissózder barysynda prezıdentter energetıka, ınfraqurylym jáne ónerkásip, mashına jasaý, saýda, kólik jáne logıstıka, tsıfrlandyrý jáne aeroǵarysh salalary, qarjy sektory, bilim berý, densaýlyq saqtaý jáne farmatsevtıka, týrızm jáne mádenıet, ekologııa jáne basqa da salalardaǵy ekijaqty yntymaqtastyqty talqylady.

TheKoreaNerald: Ońtústik Koreıa men Qazaqstan paıdaly qazbalardy jetkizý tizbegin nyǵaıtýǵa kelisti

Koreıa prezıdentiniń saparyndaǵy mańyzdy aqparat týraly ońtústikkoreıalyq basylymdar da jazdy. The Korea Nerald tilshisi Son Djı Hen «ıÝn Sok El men onyń áriptesi, prezıdent Qasym-Jomart Toqaev sársenbide mańyzdy paıdaly qazbalardy barlaý men ıgerýde ekijaqty yntymaqtastyqty nyǵaıtýǵa keliskenin» habarlady.

...Astanada Qazaqstan jáne Ońtústik Koreıa arasynda mańyzdy paıdaly qazbalardy jetkizý tizbegin qurý týraly qujatqa qol qoıyldy, – dep jazdy basylymnyń tilshisi.

Yonhap News Agency: ıÝn Qazaqstanǵa memlekettik saparyn aıaqtady

Al Yonhap agenttigi 13 maýsymda ıÝn Sok Eldiń memlekettik saparynyń aıaqtalǵanyn habarlady.

Foto: Yonhap

 

Prezıdent jáne onyń jubaıy Kım Keon Hı Astana halyqaralyq áýejaıynda qoshtasyp, eki kúndik memlekettik saparyn aıaqtady, – dep jazdy basylym.

Daryo: Qazaqstan 2025 jylǵa qaraı taza aýyz sýǵa tolyq qol jetkizýdi kózdeıdi

Qazaqstan 2025 jylǵa qaraı taza aýyz sýǵa tolyq qoljetimdilikti qamtamasyz etýge umtylýda. Bul týraly Daryo agenttigi premer-mınıstr Oljas Bektenovke silteme jasap habarlady.

Mundaı málimdeme qalalyq jáne aýyldyq jerlerde sýmen jabdyqtaý qyzmetterin jaqsartý máselelerin talqylaý barysynda jasaldy. Ótken jyldyń qorytyndysy boıynsha sýmen jabdyqtaý qyzmetterimen Qazaqstanda qala halqynyń 98,9% jáne aýyl halqynyń 96,6% qamtyldy, – dep jazdy ózbekstandyq basylym.

Agenttiktiń habarlaýynsha, 2024 jyly sýmen jabdyqtaý jáne káriz júıelerin salýǵa, rekonstrýktsııalaýǵa respýblıkalyq bıýdjetten 218 mlrd teńge (4 483,5 mln) kózdelgen. Bul qomaqty ınvestıtsııa Úkimettiń búkil el boıynsha sý ınfraqurylymyn jaqsartýǵa degen umtylysyn kórsetedi, – dep jazdy basylym.

Central Asia News: Qazaqstannyń ónimi qaıtadan Túrkııaǵa satylýy múmkin

Qazaqstandyq ónimdi Túrkııa naryǵyna jetkizýge kedergi bolǵan birqatar shekteýler alynyp tastaldy, dep habarlady Central Asia News aýyl sharýashylyǵy mınıstrliginiń baspasóz qyzmetine silteme jasap.

Áńgime 2005, 2016 jáne 2022 jyldary túrli aýrýlardyń sebepteri boıynsha engizilgen Qazaqstannan mal jáne qus sharýashylyǵy ónimderin jetkizýge tyıym salý týraly bolyp otyr.

Bul sheshim osy jyldyń mamyrynda Dúnıejúzilik janýarlar densaýlyǵy uıymynyń 91-shi sessııasynda ekijaqty mınıstrlikaralyq kelissózderdiń nátıjesinde qabyldandy. Túrik tarapy Dúnıejúzilik janýarlar densaýlyǵy uıymynyń esepterinde usynylǵan aýrýlardy joıý jónindegi Qazaqstannyń jumysyn baǵalady, – dep jazdy basylym.

Mal sharýashylyǵy ónimderin ilgeriletýge qoıylatyn veterınarııalyq talaptar Aıdarbek Saparovtyń osy jyldyń tamyzynda Túrkııaǵa sapary barysynda talqylanady.