«Álemdik minberde - qazaq tili» - Baspasózge sholý
***
«Egemen Qazaqstan» gazeti búgin Qazaqstandaǵy ekonomıkasymen qatar, halqynyń áleýmettik jaǵdaıy toqtaýsyz damyp otyrǵan Jambyl oblysynyń basshysymen bolǵan suhbatty jarııalap otyr. Oblys basshysy Kárim Kókirekbaev aımaqtyń ekonomıkasy, aýyl sharýashylyǵyndaǵy alys-berisi, oblys ortalyǵy - Taraz qalasynyń damýy, Jambyl oblysy arqyly ótetin «Batys eýropa-Batys Qytaı» halyqaralyq dáliziniń búgingi jaǵdaıy týraly ashyq-jarqyn áńgime órbitken. Mysaly, «Egemen» jazyp otyrǵandaı, oblys azamattaryn baspanamen qamtý maqsatynda bıyl bir Tarazdyń ózinde jalpy alaǵy 6 400 sharshy metrdi quraıtyn 65 páterli bir turǵyn úı jáne Qordaı aýdanynda 50 páterli taǵy bir úı paıdalanýǵa berilgen. Al, «Batys Eýropa-Batys Qytaı» dáliziniń ne berip otyrǵanyn aıta kele, ákim «osy dańǵyl joldyń arqasynda Taraz ben Almaty qalalarynyń arasyndaǵy jolaýshylar qatynasy jaqsardy»,-dep atap ótken.Suhbat sondaı-aq 11 qazanda Tarazda ótetin uly toı týraly áńgimemen órbigen. "Toıdyń Astanadan keıin Taraz qalasynda ótetini týraly Elbasy sheshimin estip, qýandym. Biraq, bul qýanyshtyń artynda úlken jaýapkershilik turǵanyn sezdim. Halqymyzda «toıdyń tamashasyn baqpa, taǵylymyn baq» degen sóz bar. Demek, 550 jyldyǵyn atap ótýdiń negizgi altyn arqaýy - ulttyq qundylyqtarymyzdy ulyqtap, dáripteıtin is-sharalar»,-degen ákim toıǵa daıyndyq barysy týraly taǵy da kólemdi jaýabyn usynǵan. Bul týraly «Egemen Qazaqstannyń» búgingi nómirindegi «Toıdy tamashalap qana qoıma, taǵylymyn da al» degen suhbattan oqı alasyzdar.
***
«Aıqyn» respýblıkalyq gazeti búgin nazarymyzǵa Memleket basshysy Nursultan Nazarbaevtyń AQSh-qa jasaǵan sapary týraly qatar-qatar birneshe maqala usynyp otyr. Mysaly, gazet N.Nazarbaevtyń BUU Bas assambleıasynyń mereıtoılyq 70-sessııasyndaǵy baıandamasy týraly jaza kele, «Memleket basshysy HXI ǵasyrda adamzattyń eń basty mindeti álemdi soǵys qaterinen múlde aryltatyn jáne onyń sebepterin joıatyn strategııany júzege asyrýǵa tıis ekenine nazar aýdardy» dep jazady. Qazaqstan Prezıdenti Birikken Ulttar uıymynyń júz jyldyǵyna Jahandyq Strategııalyq Bastama - 2045 josparyn ázirleýdi usynǵany da belgili. Osy jáne ózge de mańyzdy málimdemeler týraly jazǵan gazet basymdyqty Memleket basshysynyń baıandamany qazaq tilinde jasaǵanyna erekshe nazar aýdartyp otyr. «Al Elbasy álemdik minberde Uly dala eliniń tilinde sóıledi. Osylaısha, jalpaq álem Elbasynyń arqasynda jumyr jer betinde tek Qazaqstan degen memleket baryn ǵana emes, onyń rýhty, áýezdi ǵajap tili bar ekenine de kýá boldy. Moıyndady», - dep jazady «Aıqyn». Bul týraly «Álemdik minberde - qazaq tili» degen maqaladan tolyq oqı alasyzdar.
Al QR Prezıdenti N.Nazarbaevtyń sapar qorytyndysy retinde BAQ ókilderimen kezdese otyryp, qandaı máselelerge toqtalǵanyn bilgińiz kelse, gazetten «Memleket basshysy QORYTYNDYSYN JARIıALADY» degen maqalamen tanys bolyńyz.
BUU Bas Assambleıasynyń kezekti sessııasynda álemdi alańdatqan máseleler aıtylyp jatqanda Almaty qalasynda basqa jarystardan ózgerek - aýla sypyrǵyshtar báıgesi ótipti. Ózi jumys isteıtin aýlanyń minsiz tazalyǵyn saqtaı bilgen Mánjýov tekti azamat jarystyń bas báıgesi - 200 myń teńgeni oljalady. Erekshe jarys týraly «Aıqynnyń» búgingi nómirindegi «Úzdik aýla sypyrýshy atandy» degen aqparatty oqyńyzdar.
***
«Ekspress-K» basylymy da keshegi «Astana»-«Galatasaraı» matchyna ózinshe taldaý jasap, eki komandanyń myqty tustarymen qatar, aqsap turǵan qyrlaryn ataǵan. «Blago, Kazahstan odnım mızıntsem v Evrope - nash fýtbol narabatyvaet klass. Perestaet boıatsıa, mandrajırovat, ýsılıvaetsıa fızıcheskı ı daje lovıt kýraj. Zakonchıvshıısıa chas nazad match protıv «nedosıagaemogo» dlıa nashego proshlogo mentalıteta týretskogo «Galatasaraıa» podnıal dýh kazahstanskıh bolelşıkov do polýnochnyh astanınskıh nebes»,-dep jazady basylym. «Ekspress-K» bul maqalasyna «Rahmet za pobedý» degen taqyryp berip, sóz sońyna «Eto - rýh, po-kazahskı» degen eken. Tolyǵyraq basylymnyń búgingi sanynan oqı alasyzdar.