Álemdik qoǵamdastyq sotyna sodyrlardyń basqynshylyǵyna qatysty qosymsha dálelder usynamyz - Toqaev
«Taıaý ýaqytta, aldyn ala tergeýler aıaqtalǵannan keıin álemdik qoǵamdastyq sotyna elimizge qarsy terrorlyq basqynshylyqty daıyndaý jáne ótkizýge qatysty qosymsha dálelder usynatyn bolamyz», - dedi Memleket basshysy UQShU Ujymdyq qaýipsizdik keńesiniń kezekten tys sessııasynda.
QR Prezıdenti jekelegen buqaralyq aqparat quraldary jalǵan aqparat taratyp jatqandyǵyn basa aıtyp ótti.
«Jekelegen buqaralyq aqparat quraldary men qoǵamdyq ınstıtýttar oıdan shyǵarylǵan jáne tekserilmegen faktilerge negizdelgen jalǵan aqparattardy taratýyn jalǵastyryp jatyr. BUU, EQYU, ShYU, AÓІSShK-ni qosa alǵanda halyqaralyq uıymdar, sonymen qatar halyqaralyq gýmanıtarlyq uıymdar lańkesterdiń is-áreketterin tolyqtaı jáne ádil tergelýine múddeli ekendigine senimdimin», - dedi Qasym-Jomart Toqaev.
Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótip jatyr. Jıyn Qazaqstan tarapynyń bastamasymen shaqyryldy.
Eske salaıyq , QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.