Álemdik din lıderleri Elbasy eńbegin arnaıy qujatpen máńgige qaldyrmaq

NUR-SULTAN. QazAqparat – Álemdik jáne dástúrli dinder lıderleri sezi XVIII hatshylyǵynyń jumys toby arnaıy qujatpen QR Tuńǵysh Prezıdenti – Elbasy Nursultan Nazarbaev eńbegin máńgi este qaldyrýdy usyndy, dep habarlaıdy QazAqparat tilshisi.

«Jumys tobynyń barlyq músheleri bir aýyzdan sezdiń (Álemdik jáne dástúrli dinder lıderleri sezi) biregeı ekendigin jáne onyń 2021 jyly Qazaqstan Respýblıkasy Táýelsizdiginiń 30 jyldyǵymen tuspa-tus ótetindigin atap ótti. Qazaqstannyń Tuńǵysh Prezıdenti Nursultan Ábishuly Nazarbaevtyń sezdi shaqyrýdaǵy, onyń ıdeıalaryn álemdik arenada ilgeriletýdegi irgeli úlesi aıryqsha atalyp ótildi», - dedi Álemdik jáne dástúrli dinder lıderleri sezi XVIII hatshylyǵynyń otyrysynda QR Aqparat jáne qoǵamdyq damý vıtse-mınıstri Marat Ázilhanov.

Osy oraıda, vıtse-mınıstr atalǵan jumys toby tarapynan Elbasynyń sezd jumysyn ilgeriletýdegi eren eńbegin arnaıy qujat arqyly máńgige este qaldyrý týraly usynys bolǵanyn aıtty.

«Osynaý bastama aıasynda jumys tobynyń músheleri arnaıy qujattyń túri men formatyn oılastyrýǵa daıyn ekendikterin bildirdi. Atalǵan qujatty 2021 jyly ótetin 7-shi sezdte qabyldaýǵa bolar edi. Onda sezd avtory Nursultan Nazarbaevtyń osynaý biregeı jahandyq tuǵyrnamamyzdy qurýdaǵy aıryqsha róli kórinis tabady», - dedi M.Ázilhanov.

Aıta keteıik, búgingi otyrysta Álemdik jáne dástúrli dinder lıderleriniń VI Sez qorytyndylary men Hatshylyq qyzmetiniń keleshegi boıynsha pikir almasylýda. Sodan keıin 2021 jylǵy Álemdik jáne dástúrli dinder lıderleriniń VII Sezin ótkizý boıynsha usynystar talqylanyp jatyr.