Álemdik ahýal bizge selqos júrýge bolmaıtynyn kórsetti – sarapshy

NUR-SULTAN. QazAqparat – Álemdegi ahýal bizge selqos júretin ýaqyttyń joqtyǵyn kórsetti. Qasym-Jomart Toqaevtyń VII shaqyrylymdaǵy Parlamenttiń birinshi sessııasynda kótergen bastamalary jaıynda QR Prezıdenti janyndaǵy QSZI ǵylymı qyzmetkeri Álisher Ábdireshev osylaı dedi, dep habarlaıdy Qazaqparat tilshisi QazAqparat tilshisi.

«Ótken saılaý Qazaqstan úshin reformalar men memlekettiń jan-jaqty damýynyń jańa esigin ashady. Jańa jyl, ózderińiz biletindeı, bizdiń memleketimiz úshin mereıtoıly jyl. Osyǵan baılanysty Prezıdent Qazaqstannyń jáne onyń árbir azamatynyń basymdyǵy - qoǵamnyń ál-aýqatyn nyǵaıtý bolýy kerektigin atap ótti. Prezıdent álemniń damyǵan 30 eliniń qataryna kirý - negizgi maqsat retinde kún tártibinen túspeıtinin saldy. Jahandyq shıelenis pen ekonomıkalyq daǵdarys jaǵdaıynda bul mindet odan da mańyzdy bola túsedi», - dedi Álisher Ábdireshev.

Sarapshy Memleket basshysynyń birqatar basymdyqqa erekshe toqtalǵanyn eske saldy.

«Ol basymdyqtarǵa bıyl memlekettik apparattyń negizgi nazary aýdarylary anyq. Oǵan memlekettik basqarýdyń jańa modeli, sot júıesiniń reformasy, adam kapıtalynyń sapasyn arttyrý qajettiligi, bıznes júrgizý sharttaryn jaqsartý, elektrondy júıeni odan ary lıberalızatsııalaý isteri enedi. Prezıdent aıtqan barlyq aspekt bizge el basshylyǵynyń halyqpen baılanysta ekenin jáne olardyń ótinishteri, qajettilikterin naqty bilip otyrǵanyn aıqyn kórsetedi», - dedi sarapshy.

Álisher Ábdireshev koronavırýs pandemııasy búkil álemge, onyń ishinde Qazaqstanǵa da densaýlyq saqtaý salasynyń mańyzdylyǵyn túsindirgenin atap ótti.

«Ókinishke qaraı bizdiń azamattar sapaly medıtsıalyq qyzmet alý jaǵynan kóptegen problemamen betpe-bet keledi. Ásirese pandemııanyń shyrqaý sheginde bul másele erekshe sezildi. Aýrýhanalardaǵy ahýal sol tusta qandaı bolǵanyn bárińiz de bilesizder. Osyǵan baılanysty Memleket basshysy otandyq densaýlyq saqtaý salasyn jańǵyrtýdyń mańyzdylyǵyna erekshe toqtaldy. Ol eń aldymen patsıentter men onyń múddelerine baǵyttalýy tıis. Májilistiń quramyna óz salalarynyń kóptegen jańa mamandary kirdi. Jańartylǵan quram jumystyń alǵashqy kúninen bastap-aq óziniń tıimdiligin kórsetýi kerek. Álemdegi jaǵdaı bizge terbelip júretindeı ýaqyttyń joqtyǵyn kórsetti. Sondyqtan Qazaqstan Respýblıkasy óziniń strategııalyq baǵdaryn jalǵastyra otyryp, artta qalmaýy kerek», - dedi ol.

Eske sala ketsek Memleket basshysy Qasym-Jomart Toqaevtyń VII shaqyrylymdaǵy Parlamenttiń birinshi sessııasynda birshama bastama kótergen bolatyn.