Álemdegi tuńǵysh ǵaryshker áıel 80 jyldyǵyn atap ótýde
Valentına Tereshkova ıAroslav oblysynda sharýa otbasynda dúnıege keldi. Ákesi Vladımır Tereshkov traktorshy bolǵan, ol keńes-fın soǵysynda qaza tapty. Bul kezde qyzy úsh jasqa da tolmaǵan edi. Anasy - Elena Fedorovna toqyma fabrıkasynyń jumyskeri boldy. 74 jyl ómir súrip, kishi qyzy Valentınanyń dúnıe júzine tanymal bolǵanynyń da kýási boldy.
Keńes ǵaryshkerleriniń sátti ushyrylymynan keıin Sergeı Korolevta ǵaryshqa áıel ǵaryshkerdi ushyrý ıdeıasy paıda bolady. 1962 jyldyń basynda parashıýtshi, jasy 30-ǵa tolmaǵan, boıy - 170 sm, salmaǵy 70-ke deıin degen talappen úmitkerler izdeledi. Júzdegen úmitker ishinen beseýi tańdalady, olar: Janna Erkına, Tatıana Kýznetsova, Valentına Ponomareva, Irına Soloveva jáne Valentına Tereshkova. Tereshkova qalǵan qyzdarmen birge ǵaryshkerler jasaǵyna qabyldaǵannan keıin birden qatardaǵy jaýynger ataǵyna jedel áskerı qyzmetke shaqyryldy.
Ǵaryshqa ushatynyn onyń týystary radıodaǵy jańalyqtardan bildi. Ushyrylymnan keıin birneshe aıdan soń Tereshkova ǵaryshker Andrıan Nıkolaevqa turmysqa shyqty. 1964 jyly 8 maýsymda qyzy Elena Andrııanovna dúnıege keldi. Ekinshi kúıeýi medıtsına qyzmetiniń general maıory, Ortalyq travmotologııalyq jáne ortoperdııa ınstıtýtynyń dırektory ıÝlıı Shaposhnıkov (1931-1999) boldy. Tereshkovanyń qyzy Elena dáriger.