Álemdegi ekinshi FTX krıptovalıýta bırjasy bankrottyq jarııalady

ASTANA. QazAqparat - FTX krıptovalıýta bırjasy AQSh-ta sot protsedýrasy arqyly klıentterine aqshasyn qaıtarýdyń amalyn izdep, bankrottyǵyn jarııalady, dep habarlaıdy QazAqparat VVS-ge silteme jasap.

Kompanııanyń juma kúngi Twitter-degi málimdemesinde FTX jáne onyń enshiles Alameda Research krıptovalıýta saýda qory, sondaı-aq 130-ǵa jýyq basqa kompanııa Amerıkanyń bankrot kodeksine sáıkes erikti bankrottyq protsedýrasyn bastaǵanyn jazǵan.

«Kompanııa bas dırektory Sem Benkman-Frıd otstavkaǵa ketken» delingen habarlamada.

Osydan eki aı buryn Forbes jýrnaly 30 jastaǵy krıptovalıýta bıznesi basshysynyń dáýletin 17 mlrd dollar dep baǵalady.

Krıptovalıýta bırjasy «búkil álemdegi barlyq múddeli taraptardyń ıgiligi úshin» aktıvterdi tekserý men monetızatsııalaýdyń rettelgen protsesin bastaýǵa nıetti ekenin málimdedi.

Foto: bbc.com