Álemdegi daǵdarys kezeńinde N. Nazarbaev mańyzdy jáne oryndy sheshim qabyldady - E. Gracheva

ASTANA. QazAqparat - Qazaqstan Respýblıkasynyń Reseıdegi Elshiligimen Máskeýlik oqý oryndarynda oqıtyn qazaqstandyq stýdentterdiń belsendileri, «Bolashaq» baǵdarlamasynyń stıpedıattary jáne reseılik ekspertterdiń qatysýymen Qazaqstan Respýblıkasynyń Prezıdenti Nursultan Nazarbaevtyń «Nurly jol- bolashaqqa bastar jol» Joldaýynyń basty baǵyttaryn talqylaýǵa arnalǵan shara uıymdastyryldy.

Bul týraly QR SІM baspasóz qyzmetinen habarlady.

Óz sózinde «Nur Otan» partııasynyń «Jas Otan» jastar qanatynyń ókili Shyńǵys Beskempirov, osy Joldaýda Memleket basshysynyń Qazaqstan jastaryna senim bildirip, olarǵa qatysty máselelerge aıryqsha kóńilin aýdarǵandyǵyna basa toqtaldy.

«Nurly Jol» Joldaýyna qatysty O.E.Kýtafın atyndaǵy quqyq akademııasynyń birinshi prorektory, zań ǵylymdarynyń doktory Elena Gracheva: «Álemdegi ekonomıkalyq daǵdarys kezeńinde N. Nazarbaev mańyzdy jáne oryndy sheshim qabyldady. Qazaqstan men RF tyǵyz qarym-qatynasta bolǵandyqtan QR Prezıdentiniń halqyna Joldaýynyń Reseıge de mańyzy zor» - dep atap ótti.

Joldaýǵa qatysty ózderiniń oń kózqarastaryn RF janyndaǵy Qarjy ýnıversıtetiniń Joǵary mektebiniń dırektory Sergeı Shohın jáne K.A.Tımırıazev atyndaǵy memlekettik ýnıversıtetiniń prorektory, ekonomıka ǵylymdarynyń doktory Sergeı Garnık te bildirdi.

Sonymen qatar, qazaqstandyq stýdentter pikir almasýǵa qyzý qatysyp, Joldaýda kórsetilgen mańyzdy baǵyttary boıynsha eńbek etýge daıyn ekendikterin bildirdi.