Álemdegi 50 mln adam neke men eńbekke májbúrli tartylýda - BUU

NUR-SULTAN. QazAqparat – Sońǵy bes jylda «qazirgi quldardyń» sany tórtten birge ósti. Búgingi tańda BUU-nyń baǵalaýynsha, 28 mıllıon adam erikti túrde jumys isteıdi, al taǵy 22 mıllıon adam óz qalaýyna qaramastan otbasyn qurǵan. Mundaı baıandamany Halyqaralyq eńbek uıymy (HEU), Halyqaralyq kóshi-qon uıymy (HKQU) jáne Walk Free («Erkin bol») halyqaralyq quqyq qorǵaý toby birlesip jarııalady. Bul týraly QazAqparat BUU jańalyqtar saıtyna silteme jasap habarlaıdy.

Zertteý avtorlarynyń tujyrymdaryna HEU Bas dırektory Gaı Raıder túsinikteme berdi.

«Jaǵdaıdyń jaqsarmaı jatqany shoshytady. Adamnyń irgeli quqyqtarynyń mundaı buzylýyna eshqandaı sebep joq». 2016 jyly jasalǵan baǵalaýlarmen salystyrǵanda, 2021 jyly qazirgi quldyqta 10 mıllıon adam kóp boǵan, eń qıyny áıelder men balalar úshin. Májbúrli eńbektiń 86 paıyzy jeke sektorda qoldanylady, al onyń 23 paıyzy «májbúrli kommertsııalyq jynystyq paıdalanýǵa» tıesili», - deıdi ol

Sonymen qatar ol memleket májbúrleıtin jumys úlesi 14 paıyzdy quraıdy, al árbir segizinshi jaǵdaıda balalardy jumysqa májbúrleıdi.

Ótken jyly málimet boıynsha májbúrli nekede 22 mıllıon adam ómir súrýde. Bul bes jyl burynǵy kórsetkishten 6,6 mıllıonǵa kóp. Biraq is júzinde mundaı májbúrli neke sany, ásirese 16 jasqa deıingi balalarǵa qatysty, áldeqaıda joǵary bolýy múmkin. Kámeletke tolmaǵandarmen neke, eger bala nekege zańdy túrde kelise almasa, májbúrli dep sanalady.

Foto MOT/J.Maıar