Álemdegi úzdik ýnıversıtetter reıtıngisi jarııalandy

<p>Times Higher Education (THE) 2024 jylǵa arnalǵan álemdik úzdik ýnıversıtetter reıtıngisin jarııalady. Sarapshylar Qytaı ýnıversıtetteriniń qarqyndy damýyn atap ótti, dep habarlaıdy Kazinform <a href="https://ru.euronews.com/next/2023/10/16/next-times-university-rankings" target="_blank" rel="noopener">Euronews</a>-ke silteme jasap.</p>

Jaqynda jarııalanǵan Times Higher Education (THE) 2024 reıtıngisine sáıkes, Oksford ýnıversıteti bıyl segizinshi jyl qatarynan álemniń úzdik ýnıversıtetteriniń kósh basynda tur.
Úzdik ondyq qatarynda aǵylshyn tildi ýnıversıtetter basym: ádettegideı Garvard (4) jáne Kembrıdj (5) áli de úzdikter qatarynda.

Degenmen, alǵashqy bestikte azdaǵan ózgeris bar, Stenford úshinshi orynnan bıylǵy reıtıngide ekinshi orynǵa, al Massachýsets tehnologııalyq ınstıtýty (MIT) 2023 jylǵy besinshi orynnan úshinshi orynǵa kóterildi.

Bıylǵy jyly AQSh pen Ulybrıtanııa ýnıversıtetteri, sondaı-aq eýropalyq ýnıversıtetter kórsetkishiniń tómendeýi baıqaldy, al Azııadaǵy ýnıversıtetter, ásirese Qytaıdaǵy oqý oryndary ósýdi jalǵastyrýda.

Tsınhýa (12) jáne Beıjiń (14) ýnıversıtetteri reıtıngte Pensılvanııa ýnıversıteti, Djons Hopkıns ýnıversıteti jáne Kolýmbııa ýnıversıtetin basyp ozdy.