Álemdegi eń úlken marjan tabyldy

<p>ASTANA. KAZINFORM &ndash; Ǵalymdar Tynyq muhıtynyń ońtústik-batysynda álemdegi eń úlken marjandy tapty, dep jazady <a href="https://belta.by/kaleidoscope/view/u-solomonovyh-ostrovov-uchenye-675347-2024/" target="_blank" rel="noopener">Belta</a> AVS-ge silteme jasap.</p>

Marjan 300 jyldan astam ómir súrgen bolýy múmkin. Ǵalymdar marjannyń ólshemi kók kıtten úlken ekenin atap ótti. Onyń túsi qońyr, biraq basqa túster oǵan ishinara biriktirilgen.

Foto: BBC

– Men kartada keme apaty kórsetilgen aımaqta súńgip edim, ol jerde marjandy kórdim, – deıdi ekspedıtsııa múshesi.

VVS-diń habarlaýynsha ekspedıtsııa barysynda ǵalymdar marjandy ólsheý úshin arnaıy ólsheý syzyǵyn paıdalanǵan.

– Marjannyń eni 34 metr, uzyndyǵy 32 metr, bıiktigi 5,5 metr, – delingen habarlamada.

Bul jańalyq Ázirbaıjanda ótken COP29 BUU-nyń klımattyń ózgerýine arnalǵan sammıti kezinde aıtyldy.

Marjan Pavona clavus túrine jatady jáne ol asshaıandardyń, balyqtardyń jáne basqa da teńiz janýarlarynyń tirshilik etý ortasyna aınaldy. Bul úlgini zertteı otyryp, ǵalymdar tarıhı jańalyqtardy ashýǵa úmitti. 

Halyqaralyq tabıǵatty qorǵaý odaǵynyń (IUCN) baıandamasynda jyly sýlardaǵy marjandardyń 44 paıyzy joıylyp ketý qaýpi tónip turǵany aıtylǵan.