Álemdegi eń úlken aısberg joıylyp ketýi múmkin

<p>Álemdegi eń úlken aýmaq &ndash; 4,2 myń sharshy metrdi alyp jatqan A23a aısbergi ornynan qozǵalyp, Ońtústik muhıtqa jyljyp barady. Osyǵan baılanysty aldaǵy aılarda alyp aısbergtiń kólemi azaıyp, joıylyp ketý qaýpi jóninde aıtyla bastady, dep habarlaıdy <a href="Kazinform" target="_blank" rel="noopener">Kazinform</a> <a href="https://nauka.tass.ru/nauka/19398951" target="_blank" rel="noopener">TASS</a>-qa silteme jasap.&nbsp;</p>

Arktıka jáne Antarktıka ǵylymı-zertteý ınstıtýtynyń (AAǴZI) baspasóz qyzmetiniń málimetinshe, muz jáne gıdrometeorologııalyq aqparat ortalyǵynyń (MGMAO) mamandary aısbergtiń aldaǵy aıda Skosh teńizine enetinine boljam jasap otyr. Sol kezde aısberg joıylyp ketýi múmkin. 

1986 jyldyń qyrkúıeginde Fılhner muzdyǵynan úlken muz massıvi bólingen. Sol orynda úsh alyp aısberg paıda bolǵan. Muzdyqtyń birinde «Drýjnaıa-1» maýsymdyq bazasy ornalasqan. Qaırańnan bólingennen keıin aısberg antarktıkalyq Ýeddell teńiziniń ońtústigindegi qurlyqqa tez jetip, muzdy aralǵa aınalǵan. Al, 2023 jyldyń jazynda aısberg sý aǵyndarynyń áserinen alǵash ret ornynan qozǵaldy. 

Antarktıkanyń qysqy kezeńinde aısberg Antarktıka túbeginiń jaǵasymen qozǵalǵan. Muzdyqtyń jergilikti aınalymynyń qashyqtyǵy 1 118 teńiz mılge (2 070 shaqyrym) jetken. Bul Sankt-Peterbýrgten Krasnodarǵa deıingi aralyqtytaǵy qashyqtyqqa sáıkes keledi. Dreıf kezinde aısberg alańynda aıtarlyqtaı shyǵyn bolmaǵan.

«A23a aısbergin Bransfıld buǵazynan shyǵysqa qaraı aǵyp jatqan muhıt aǵyny shaıyp, odan ári Ońtústik Orkneı jaǵalaýymen Skosh teńizine aparady dep kútilip otyr. Odan ári antarktıkalyq tsırkýmpolıarlyq aǵyndaǵy jeldiń, tolqyn men jyly muhıt sýynyń áserinen «ómir» súrýin tez toqtatady. Alaıda, A23a aısberginiń Ýeddell tsıkliniń júıesinde qalýy múmkin ekenin áli de joqqa shyǵarýǵa bolmaıdy. Bul jaǵdaıda muzdyqtyń «ómiri» taǵy birneshe jylǵa sozylady», - dep naqtylady Arktıka jáne Antarktıka ǵylymı-zertteý ınstıtýtynyń (AAǴZI) baspasóz qyzmeti. 

Arktıka jáne Antarktıka ǵylymı-zertteý ınstıtýty – jerdiń polıarlyq aımaqtaryn zertteıtin jetekshi álemdik ǵylymı ortalyq. Instıtýttyń ǵylymı bólimsheleri klımatty, atmosferadaǵy, taıaý ǵaryshtaǵy, teńiz ortasy men muz qabatyndaǵy protsesterdi irgeli jáne qoldanbaly zertteýlermen aınalysady.