Álemdegi eń iri krıptovalıýta bırjasy AQSh ádilet mınıstrligine $4,3 mlrd aıyppul tóleıdi

<p>Qytaılyq <a href="https://m.thepaper.cn/newsDetail_forward_25383517" target="_blank" rel="noopener">The Paper</a> habarlaýynsha, álemdegi eń iri krıptovalıýta bırjasy Binance jáne onyń bas dırektory Chjao Chanpen AQSh Ádilet mınıstrligimen kelisimge kelgen. Buǵan deıin AQSh Ádilet mınıstrligi aqsha jylystatty jáne sanktsııany buzdy degen kúdikpen Binance-ke kópjyldyq tergeý júrgizgen edi.</p>

21 qarashada AQSh Ádilet mınıstrligi álemdegi eń iri Binance krıptovalıýta bırjasyn basqaratyn Binance Holdings Limited (Binance) aqsha jylystatý, sanktsııa buzý jáne lıtsenzııasyz aqsha aýdarý sekildi kúdikti áreketterge qatysqanyn moıyndaǵanyn habarlady.

AQSh Ádilet mınıstrligi Binance jalpy somasy 4,3 mlrd dollar aıyppul tóleýge keliskenin aıtty.

Sonymen qatar, Binance negizin qalaýshy jáne bas atqarýshy dırektory (CEO) Chjao Chanpen aqsha jylystatýǵa qarsy tıimdi baǵdarlamany júrgize almaǵanyn moıyndady jáne Binance bas dırektory qyzmetinen ketti.

«Qatelik jasadym jáne jaýapkershilikti óz moınyma alýym kerek. Bul bizdiń qaýymdastyqqa, Binance jáne ózim úshin de eń jaqsy sheshim degen oıdamyn», — dep jazdy Chjao Chanpen X platformasynda (burynǵy Twitter).

AQSh Ádilet mınıstrligi sot qujattaryna sáıkes Binance ósý men paıdany basty orynǵa qoıǵanyn moıyndaǵanyn atap ótti.

AQSh Ádilet mınıstrligi Binance aqshany jylystatýǵa qarsy tıimdi baǵdarlamany júzege asyrmaǵanyn jáne AQSh azamattarynyń sanktsııalanǵan eldermen tranzaktsııa júrgizýine jol bermeý úshin shara qoldanbaǵanyn málimdedi.

AQSh Ádilet mınıstrliginiń aıyptaýyna sáıkes, Binance 2018 jyldyń qańtary men 2022 jyldyń mamyry aralyǵynda AQSh paıdalanýshylary men Iranda turatyn paıdalanýshylar arasynda 898 mıllıon dollardan astam somany ádeıi tranzaktsııalaǵan.

«Búgingi kún — vırtýaldy valıýta ındýstrııasy úshin mańyzdy kún. AQSh-tyń qarjy júıesinen paıda kórgisi keletin kez kelgen mekeme, qaı jerde ornalasqanyna qaramastan, bárimizdi terrorısterden, dushpandyq sheteldik derjavalardan jáne qylmystan qorǵaý úshin AQSh zańdaryn saqtaýy kerek. Olaı etpese jazaǵa tartylady», — dedi AQSh Qarjy mınıstri Djanet Iellen. 

Forbes China málimetinshe, kelisimniń bir bóligi retinde Chjao Chanpen seısenbi kúni tústen keıin Sıetldegi federaldy sotqa kelip, aqshany jylystatýǵa qarsy kúres pen sanktsııalardy buzý boıynsha kinásin resmı túrde moıyndady.

Sonymen qatar, Binance AQSh ádilet mınıstrligimen, taýar fıýchersteriniń saýda komıssııasymen, qazynashylyq departamentiniń qarjylyq qylmysqa qarsy kúres jelisimen (FinCEN) jáne sheteldik aktıvterdi baqylaý basqarmasymen (OFAC) kelisimge keldi.

Bes jyldyq qadaǵalaý kelisimi boıynsha AQSh-tyń Qarjy mınıstrligi Binance-tiń ártúrli qarjylyq jazbalaryn tekserýge quqyly.