Álemdegi eń qart Marııa Branıas 117 jasynda qaıtys boldy

<p>ASTANA. KAZINFORM &ndash; Álemdegi eń qart adam atanǵan Ispanııadaǵy Marııa Branıas 117 jasynda qarttar úıinde qaıtys boldy, dep jazady <a href="https://www.reuters.com/world/europe/maria-branyas-worlds-oldest-person-dies-spain-117-2024-08-20/" target="_blank" rel="noopener">Reuters.&nbsp;</a></p>

— Marııa Branıas bul fánımen qoshtasty. Ol ózi qalaǵandaı qaıtys boldy: tynysh uıqyda, esh aýyrtpalyqsyz, — dep jazdy onyń X áleýmettik jelisindegi akkaýnty.

Dúısenbi kúni ol óziniń qatty álsiregenin, ómiriniń sońy taıap kele jatqanyn aıtqan.

Onyń H-tegi akkaýntyn qyzy júrgizedi, dep jazady Reuters.

Marııa Branıas Gınnestiń rekordtar kitabyna sáıkes 4 naýryzda óziniń 117 jasyn atap ótti jáne 2023 jyldyń qańtarynda álemdegi eń qart adam atandy.

Ol 1907 jyly San-Frantsıskoda (Kalıfornııa) dúnıege keldi, sodan keıin jeti jasynda otbasymen Ispanııaǵa kóship keldi.

Ol ómiriniń qalǵan bóligin sol jerde ótkizdi, 1936-39 jyldardaǵy azamattyq soǵystan jáne bir ǵasyrmen bólingen eki pandemııadan — 1918 jylǵy Ispan tumaýy men 2020-2021 jyldardaǵy COVID-19-dan aman qaldy.

Branıas ǵalymdarǵa onyń erekshe uzaq ómir súrýin zertteýge ruqsat berdi. Ol uzaq ómir súrýdiń syryna árqashan sáttilikte, tártip pen tynyshtyqqa, otbasymen jáne dostarymen jaqsy qarym-qatynasqa, tabıǵatpen baılanysqa, emotsıonaldy turaqtylyqqa, ýaıym men ókinishtiń bolmaýyna, kóp pozıtıvtilikke jáne ýly zattardan aýlaq bolýdy jatqyzdy.

117 jasqa tolǵannan keıin Branıas tarıhtaǵy jasy resmı túrde rastalǵan 12-shi eń qart adam boldy.

Al eń qart adam 122 jyl 164 kún ómir súrgen frantsýz áıeli Janna Kalman boldy.

Osyǵan deıin Italııada «demografııalyq» tótenshe jaǵdaı jarııalanǵanyn habarladyq.