Álemdegi eń qart áıel 117 jasqa toldy

<p>Álemdegi eń qart áıel Marııa Branıas Morera 117 jasqa toldy. Ol tipti uzaq jasaýdyń syrymen de bólisti dep habarlaıdy <a href="https://www.belta.by/kaleidoscope/view/starejshaja-zhenschina-v-mire-620072-2024/" target="_blank" rel="noopener">BELTA</a>.</p>

Marııa 1907 jyly Amerıkanyń San-Frantsısko qalasynda ıspandyq otbasynda dúnıege kelgen. Ol 8  jasqa tolǵanda ata-anasy tarıhı otanyna qaıtamyz dep sheshim qabyldaǵan, - dep jazdy Guinness World Records.

Keıýananyń jasy 117 assa da densaýlyǵynda eshbir aqaý joq. Tek qulaǵy nasharlaý estıdi ári ózdiginen qozǵalý qıyn. Tipti uzaq jasaýdyń syryn izdep júrgen ǵalymdar onyń densaýlyǵyna qyzyǵýshylyq tanytqan. Marııa olar usynǵan arnaıy zertteýge qatysý jónindegi usynysty qabyl alǵan.  

Qart ájeniń úıinde 90-nan asqan jaqyndary da bar eken. Onyń uzaq jasaýdaǵy syry tuqymyndaǵy gendik erekshelikke baılanysty bolýy da múmkin degen boljam bar. Alaıda, Marııanyń ózi bulaı ǵasyr jasaýdyń qupııasy otbasyndaǵy garmonııa, dostarmen jyly qarym-qatynas, tabıǵatqa jaqyndyq, emotsıonaldy turaqtylyq jáne ómirge degen jaqsy kózqaras dep sendiredi.