Álemde jylyna 2 mlrd-qa jýyq bala zorlyq-zombylyqqa ushyraıdy

<p>Balalarǵa zorlyq-zombylyq kórsetý problemasy búkil qoǵamdy alańdatady. Álem boıynsha jylyna 2 mlrd-qa jýyq kámeletke tolmaǵan bala zorlyq-zombylyqqa ushyraıdy. Bul týraly Almatyda &laquo;Kámeletke tolmaǵan qylmys qurbandarynyń quqyqtaryn qorǵaýdyń ózekti máseleleri&raquo; taqyrybynda ótken halyqaralyq ǵylymı-tájirıbelik konferentsııada zańger Orynbasar Tilepbergenov aıtty.</p>

Konferentsııa balalarǵa qatysty turmystyq zorlyq-zombylyq, zorlaý, seksýaldyq sıpattaǵy qorlyq áreketteri, býllıng, kıberbýllıng jáne bala quqyqtaryn buzýdyń basqa da nysandary syndy qoǵam alańdatýshylyǵyn týdyratyn ótkir máseleler áńgime ózegine aınaldy.

Sharada kámeletke tolmaǵandardyń quqyqtary men bostandyqtaryn áleýmettik, quqyqtyq, psıhologııalyq, medıtsınalyq qorǵaý tetikterin jáne olardyń qaýipsizdigin qamtamasyz etýge baǵyttalǵan sarapshylardyń pikirleri men usynystary tyńdaldy.

Foto: Kazinform/Alma Muqanova

«ıÝNESKO-nyń jáne halyqaralyq uıymdardyń málimetinshe, búgingi tańda álem boıynsha 2 mıllıardtan astam bala ár-túrli jaǵdaıda ( jeńil, aýyr urys, otbasylyq, áke-ana tyıymy da jatady) zorlyq-zombylyq kóredi eken. Qazaqstan da bul jaǵdaıda álemdik qaýymdastyqtardyń múshesi retinde kámelet jasyna tolmaǵan balalardy qorǵaý men olardyń quqyn qorǵaý baǵytynda qoldan keler sharalardy júzege asyryp keledi. Bala bolashaǵymyz, keleshegimiz.Sondyqtan da olardyń qaýipsizdigin qadaǵalaý basty másele bolýy tıis»,- deıdi zańger Orynbasar Tilepbergenov.

Foto: Kazinform/Alma Muqanova

Aıtýynsha, árbir sábı úshin eń qaýipsiz oryn – onyń úıi, otbasy. Sondyqtan eń aldymen bala quqyǵyn ata-anasy qorǵaýy kerek.