Álemde tyrysqaq aýrýyna shaldyqqandar sany artty

<p>ASTANA. KAZINFORM &ndash; Mamyr aıynda tyrysqaq aýrýynyń jahandyq deńgeıi 58%-ǵa ósti. Bul týraly Dúnıejúzilik densaýlyq saqtaý uıymy habarlady.</p>

Uıymnyń málimetinshe, mamyr aıynda 19 elde tyrysqaqqa shaldyqqan 46 424 adam tirkelgen. Sáýirmen salystyrǵanda mamyrda aýrý 58%-ǵa artyp otyr.

Sarapshylar, ásirese, Shyǵys Jerorta teńizinde aýrýshańdyqtyń joǵary ekenin túsindirdi. Aýǵanstanda aýrýdyń 13 myńnan astam, Pákistanda 13 myńnan astam jańa oshaǵy tirkelgen. 2023 jyldyń qańtarynda DDU tyrysqaqpen baılanysty jahandyq jaǵdaıdy «úshinshi sanatataǵy tótenshe jaǵdaı» dep sıpattaǵan edi.

Tyrysqaq – qaýipti juqpaly aýrý. Qozdyrǵysh adam aǵzasyna lastanǵan tamaq nemese sý arqyly enetinin atap ótken jón.

Esterińizge salsaq, bıyl sáýirde Qazaqstanda tirkelgen tyrysqaq aýrýynyń oshaǵy joıylǵanyn jazǵan edik.