Álemde sábılerdiń tek 44 paıyzy ana sútin emedi - DDU

NUR-SULTAN. QazAqparat – Jahandyq daǵdarys mıllıondaǵan sábı men balanyń densaýlyǵyna qaýip tóndirip otyr. Mundaı jaǵdaıda eń tıimdi sheshim – emizý, dep habarlaıdy QazAqparat BUU jańalyqtaryna silteme jasap.

Dúnıejúzilik bala emizý aptalyǵy aıasynda ıÝNISEF jáne DDSU úkimetterdi, ásirese tótenshe jaǵdaıda ómir súretin otbasylar úshin emizý baǵdarlamasyn qoldaýǵa kóbirek resýrs bólýge shaqyrady.

Aýǵanstanda, Ýkraınada, Iemende, Afrıkada jáne Sahelde tótenshe jaǵdaı kezinde emshek sútimen emizý - náresteler úshin qaýipsiz, toıymdy jáne qoljetimdi tamaq kózi. Ol aýrýdan jáne ashtyqtan qorǵaıdy.

Sondaı-aq, emizý - bala úshin alǵashqy vaktsına, ol balalar arasynda taraıtyn aýrýlardan qorǵaıdy.

Alaıda, anasynyń tótenshe jaǵdaı kezindegi emotsıonaldyq ahýaly, azyp-tozýy, sanıtarlyq jaǵdaıdyń bolmaýy saldarynan kóptegen balalarda emý múmkindigi bolmaı jatady.

Jańa týǵan balalardyń jartysynan kemi dúnıege kelgen alǵashqy saǵatta emedi. Tek 44 protsenti alǵashqy alty aıda tek qana emshek emedi.