Álemde negizgi azyq-túlik baǵasynyń turaqty túrde ósý tendentsııasy baıqalady - QR Prezıdenti
«Azyq-túlik naryǵynyń turaqtylyǵyn qamtamasyz etý elderimizdiń ekonomıkalyq qaýipsizdiginiń jáne kezeń-kezeńmen damýynyń mańyzdy sharty bolyp qalady. Álemde negizgi azyq-túlik baǵasynyń turaqty túrde ósý tendentsııasy baıqalady. Inflıatsııa óte joǵary. Olardyń qunynyń munan ary da artý múmkindigi áleýmettik-ekonomıkalyq kúızelister jáne jetkizý tizbeginiń buzylý táýekelimen kúsheıedi», - dep atap ótti Qasym-Jomart Toqaev «Úndistan – Ortalyq Azııa» sammıti barysynda.
Osy rette Memleket basshysy Ortalyq Azııa jáne Úndistan basshylaryna Aýyl sharýashylyǵy mınıstrleriniń keńesin ótkizýdi usyndy.
«Sońǵy ýaqytta mundaı faktorlardyń agrosektorǵa qysymy aıtarlyqtaı baıqaldy. Sondyqtan bizdiń dıalogymyzdyń aıasynda agrotehnologııalyq jáne ǵylymı-ınnovatsııalyq ózara is-qımyldy nyǵaıtý jónindegi is-sharalar ázirleý jaqsy bolar edi. Aýyl sharýashylyǵy mınıstrleriniń turaqty keńesin ótkizý de paıdaly bolmaq», - dedi QR Prezıdenti.